Shillong, Jan 10: Mongolbar pringo Shillong, Mawlai Umjaiur-o tanggitik wa·al kamanichi manderangni dongenggipa nok te·brirangko tapra changpile kamaha.
Wa·al kama man·gipa nokara, Mawlai-oni saksa Martina Nonglang-ni manderangna para on·enggipa ong·achim.
Indake ong·engon, nokko wa·al kamani ja·pangko short circuit ba karen kamanichi ong·na nanga ine chanchichipenga.
Ia obosta ong·anichi, ua noko para ra·e dongenggipa nokbrina gong lak 4-rangni gita noksan ong·aha, indake ong·oba, Mawlai aro Nongthymmai-ni Fire and Emergency Department-ni gong·raken a·sel ong·gipa biapona sokbae ua kamenggipa wa·alko bon·e kimitna man·ani gimin, ia a·selo darang saksaba maming saknaanirangko man·tokjaha ine koborna u·iataha.
