Shillong, July 31: Meghalaya a•dokni ning•o donggipa college-rangko a•songni gital National Education Policy (NEP) 2020-ko ra•gatchina gita North Eastern Hill University (NEHU), ge•etaniko on•manahani gimin Shillong songjinmao bang•bata college-rangan ia gital NEP-ko ra•gatna gita taritokengaha indiba mitam college-rangde chu•onga gita cholrang dongkujani gimin NEP-ko ra•chakna gita jechaktokskakuenga.

Iani bidingo mitam college-ni principal-rang Hub News baksa agangrikengon, NEP 2020-na tarisamsoani aro ra•bianirangko janape on•angtokaha.

Shillong College-ni Principal Dr Evakorlang Kharkongor-ni parakatani gitade, uni college ia gital NEP 2020-ko aro Four Year Undergraduate Program (FYUP) ba bilsibrini Undergraduate program-ko ra•gatna gita tarisomanaha. Iani bidingo uamang 2021 bilsionin dingtangmancha task force-ko songenba kamrangko ka•soahani gimin da•o ia gital NEP-ko aro bilsibrini UG program-ko ra•gatna gita tarimanaha ine Kharkongor parakataha.

Iani bidingo St Anthony’s College-ni Principal Bro Albert Dkhar-ba Hub News-na talataniko on•angengon, NEP 2020-ko ra•gatanio simsakna nanganiko aganskaaha. Gital Academic Session-ko August 8 tarikoni a•bachengengahani gimin uamang da•o sorkarini aro NEHU-ni ge•etaninasa senge dongengaha ineba Bro Dkhar parakataha.

Indake ong•engon, Upper Shillong-ni Nongkseh-o donggipa Bormanik College-ni Principal D Rumnong-de ia gital NEP-ko ra•gatanio chagrongna sienggipa neng•nikanirangko janapatskaaha. Ia college-o syllabus-ko ra•gatnade man•aigen indiba uamang ia gital NEP-ko name ja•rikna man•na gita NEHU-oniko somoi bi•dapenga ineba Rumnong parakataha.
Meghalaya a•dok gimiko dam 33 college-rangde NEP 2020-ko ia bilsioni ra•gatna man•kujawa ine adita salrangna skangsan a•dokni Education Minister Rakkam A Sangma parakatahachim.

Ia gital NEP 2020-ko NEHU-ni Vice Chancellor Prof Prabha Shankar Shukla ra•gatdraahani gimin jegalaniko mesokna gita Meghalaya College Teachers Association (MCTA)-ni gitaba August 1 tarik dipet Non Cooperation Movement (NCM)-ko dake, 1st semester-ni class-rangko ra•jana gita parakatahachim.

Iakoba poraie nina man·gen: Tripura-onin a·songni simako ga·batna gita Rohingya-rangko dakchakenga ine Assam STF-ni skotong dilgipa parakanga

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub