Shillong, April 11: Shillong-o re·ruraanirangko nambate aro ta·rakbate dakna man·gen ine niksamsoe, gital Rilbong link road-ko Sonibar salo Sanbor Shullai-chi jakchi oprake on·angaha. Songni-nokni dilgiparang jekai Dorbar Shnong-rangni manderangba ia tom·bimonganiona re·bae bak ra·angaha.
Ia sorokko Rilbong-ni sepango donggipa PWD ramako Rilbong Community Hall sepang gita ra·ange, Umshyrpi dolongona kingking tariaha, uandake ia rama lane ge·bri donggipa highway-ona naea.
Ia project-ko PWD SPA Scheme 2021-22-ni ning·o kror ₹4.35 tangkarangko koros ka·e tariaha, aro iani ning·ao ia apchonbegipa sorokko apalatani, ro·ong aro aro uandakgiparangko jakkalani aro algatra-ko rudapanirangko dakaha.
Ua jolo songdonggipa manderangde salantio re·ruraanirango neng·nikanirangko man·bata maina Rilbong-ara Shillong-o garirangni re·ruragipa ramaoni mingsa mongsonggipa bibra ong·a, aro ia ramarango garirang chakpilgija donggenchimode, Shillong gimikon neng·nikanirangko man·na ama.
Ia gital ramako tarianichi gari bang·miting somoio dilgipin rama gitalko on·enba sorokrango garirangni chakpilgija re·aniko komiatgen ine niksamsoenga.
Songdonggipa manderangni jelrorobaanichi aro garirang bang·rorobaanichi Shillong-ni ramarango gapchipaniko chagrongsimaia. Iandakgipa project-rangko ka·aniara mamung dal·gipa kobor ong·jagenchimoba, tarigimin ramarangko re·ruragiparangnade bang·en dingtanggrikanirangko ra·baa.
Uandake da·o ia gital ramarangko jakkale manderang garirangko nambate salna man·gen, sengani somoi komibatgen aro songjinmao re·rurana nengrabate man·genok ine ka·dongsoenga.
Na·simang iakoba nina man·gen:
Na·simang iakoba poraina man·gen: Child Care Institution-rangoni SSLC porikkao chu·sokgipa chatro chatrirangna mitelpilskaaniko dakanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
