Shillong, June 6: World Environment Day-ko maniani bak gita Mongolbar salo, Meghalaya a·dokni Chief Minister Conrad K Sangma, skulo poraienggipa chatro chatrirang baksa Shillong International Centre for Performing Arts & Culture (SICPAC)-o bol charangko ge·angaha.
Mission LIFE-ni ning·o chatro chatrirang, dingtang dingtang gittimni manderang aro sorkari department-rangni bakrimanichi pang lak 5 bol chararangko Meghalaya a·dokni dingtang dingtang biaprango ge·engachim ine nikna man·a.
Ia salo a·dokni Chief Minister, chatro chatrirang baksa seed ball-rangkoba SICPAC-ni wilwilao goe donangaha.
Iani bidingo a·dokni Chief Minister, social media-o jinmana parakatengon, Meghalaya a·doko bol wa·arangko gapatna gita chatro chatrirangko, skulrangko aro a·dok songdongenggipa manderangko didina million 3.6 seed ball-rangko Meghalaya a·dok gimikon sualanggen ine parakataha.
