Shillong, Oct 13: Batanggimin salrango somoirango adita sak bi•sarang gimaani ja•man da•o Shillong songjinmani Mawlai Nongkwar Block 6-oniba bilsi 17 ong•gipa me•tra saksa Sebenia Mawlong, Robibar attamonin gimataienga ine kobor on•aha.
Ia me•trani ma•gipani aganani gitade, ia me•tra, an•tangni ripeng baksa ong•katangna ine bi•on, uni pagipao sing•chengchina uko aganahachim indiba ua darangnaba agangija nokoni ong•katangaha aro Robibar walgimikan nokona re•bapiljaha.
Ia me•tra, nokona re•bapiljahani gimin nokni manderang, Sombar pringo, Mawlai police station-o FIR ka•eaha.
Ia me•trao mobile phone-ba dongja aro uni apsan ong•katangna sing•gipa ripengkoba nokni manderang darangba ma•sitokja ine me•trani ma•gipa aganaha.
Ia me•trako police-rang sandina a•bachengataha aro uni nokdangni manderangba, ia me•trani gimin maiba koborrangko man•genchim ong•ode u•iatchina gita manderangko didiataha.
Jasani gisepon Shillong songjinmao bi•sa sakbrini gimaaniko knasona man•aha aro ia bi•sarangoni skanggipade, Nongrah-oni bilsibri ong•gipa Insaphira Lyngdoh Nonglait ong•a. Uni ja•man, Nongrah jolonin bilsi 7 ong•gipa me•a bi•sa Kyrshanbor Kharmudai-ba gimaaha indiba ja•mano uni sigimin manggisikosa man•aiaha.
Robibar saloba Umpling joloni bilsi 14 ong•gipa me•chik bi•sa saksa gimaahani gimin police-rang ta•raken sandiaha aro uko rasong gnangbee apsan salon maming a•sel gri man•pilaha.
Na·simang iakoba nina man·gen:
Na·simang iakoba poraina man·gen: NE India Tourism Awards-o Mark Pantora M Sangma boksisko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
