Shillong, Dec 14: Robibar salo, dam 26 a·dok aro dam 2 Union Territory-rangoni sak 3,000 mangna bate katsusagiparang Shillong, Laitkor-o chang 5-gipa Assam Rifles Half Marathon 2025-ko ong·atanio bak ra·angtokaha. Ia katsusaaniko, Directorate General Assam Rifles-ni gita Fit India Movement-ko ra·dona ong·atangaha.
Ia marathon-ko 21 km Cloud Chase, 10 km Pine Path aro 5 km Crystal Stream category-rango ong·atangaha. Ia katsusaaniko Assam Rifles-ni Director General Lt. Gen Vikas Lakhera baksana 21 km-ni race-ko Vibha Lakhera a·bachengate on·angani gisepon, 10km race-ko Maj Gen Jai Singh Bainsala, Satish Nambiar, Zubin Garg aro 5 km-ni race-ko Brig Sachindra aro uni jikgipa a·bachengate on·angskaaha.
Chu·gimik katsusaanio sak 3,038 bak ra·giparangoni, sak 559 katsusagiparang 21km-ni half Marathon-o bak ra·angtokaha aro sak 1502 mangni gita 10 km race-o aro sak 977 mangni gita 5km race-o bak ra·angskaaha. Ia katsusaanio bak ra·gipa sakantinan medal-rang, certificate-rang aro gisik ra·na gita T-shirt-rang baksana cash prize lakh 20-ko sak 48 chegiparangna on·ataha.
Ia katsusaani chu·gimik category-o, Indian Army, 20 Kumaon-ni Sandeep Devrari me·asa category-o 21 km race-o cheani man·ani gisepon, Varanasi-ni Tamsi Singh me·chik category-o skanggipa biapko man·skaaha.
Ia katsusaanio mongsonggipa sokgipa AOC-in-C Eastern Air Command-ni Air Marshal Surat Singh, mongsonggipa sokgipa ong·e Nisha Singh baksa chegiparangna boksis-rangko on·an baksana iano bakko ra·giparangni gisiko nange bakko ra·anina ra·doe aganangaha.
Tom·anio jinmana aganprakengon, Lt. Gen Vikas Lakhera, ia marathon-ko ong·atani miksonganiara ku·mong nangrimani aro be·en bimangko an·seng baljoke rakkianiko ra·doanian ong·a ine u·iatengon, re·anggipa bilsina bate ia bilsio bak ra·giparang bang·bataha ineba janapangaha. Assam Rifles-ni gita ia katsusaaniko ong·atna dakchakaniko on·ahanina, Meghalaya Sorkari baksana sponsor ka·gipa Indian Oil Corporation Ltd, SBI, YES Bank, IDFC First Bank, Tata Advanced System-rang aro ISL-ko de·mitelangaha.
Na·simang iakoba nina man·gen:
Na·simang iakoba poraina man·gen: EJH-o niam gri chalaienggipa karkana dam 7-ko pe·gala
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
