Shillong, Nov 28: Mongolbar salo, National Highway 6 chongmotan Mawryngkneng-ni Jorabat ramakoniko niamgri petrol cha•ugipa manderang-ni kosako, niam gita ja•ku de•anina, Meghalaya Police aro a•dok sorkari-na chakpaaniko Shillong Petroleum Dealers Association parakataha.

Indake, petrol pump-rango chu•unga gita to-rang dongani gimin Meghalaya a•doko songdongenggipa sakantikon kenjagokjachina gitaba uamang mol•molataha.

Assam-oni Meghalaya-ona petrol-rangko salangengmiting somoio, nangnikgenchimode chel•chakgipako to salgipa tanker-rang baksa watchapatna man•gen inenba police-ni gita ku•rachakaniko on•ataha ine Shillong Petroleum Dealers Association-ni padot Kennedy Khyriem aganataha.

Iakoba poraie nina man·gen: Chigitchakgre songko ‘Bee Village’ ine CM paraka