Shillong, March 24: Shillong railway project-na Khasi Hills Autonomous District Council (KHADC)-ni No Objection Certificate (NOC)-ko Meghalaya sorkari man•soa dongkuja ine Sukrobar salo, Meghalaya a•dokni Chief Minister Conrad K Sangma talataniko on•angaha.
Iani bidingo ua India sorkarini Railways Minister-ko gronge agangrikaha ine kobor ra•timgiparangna parakatengon, mikkangchi maming ja•kurangko de•na skangba dingtang dingtang dolrang baksa agangrikchengna nanggen ine Sangma parakataha.
Shillong railway project-ni kamrangko ka•na skang, dingtang dingtang dolrang baksa chanchirimchengna nangchongmota ine janapatengon, dingtang dingtang dolrang baksa chanchirimna gita sorkari somoiko ra•chengna nanggen aro dingtang dingtang dolrang baksa chanchirimani ja•manosa nanga gita ja•kurangko de•angna man•gen ine Chief Minister parakataha.
Chief Minister-ni parakatani gitade, Byrnihat-oba dingtang dingtang neng•nikanirangko sorkari chagrongna nangkuenga aro iani bidingo dingtang dingtang dolrang baksa agangrikkuenga.
Meghalaya a•dokni economy-ko tang•doatna gita bostu salgipa rel garirangko ra•bachengna man•gen ineba Chief Minister, ku•pattianiko on•angaha.
A•songni namgnina dingtang dingtang a•dokni skotong songjinmarangko rel ramaranchi nangdimatna gita a•songni Prime Minister Narendra Modi nangnikenga ineba Sangma aganaha.
Meghalaya a•doko niam gri napsrukbagiparangna kenchaktokengani gimin rel garirangko ra•bana skang, dingtang dingtang dolrang aro a•doko songdongenggipa manderang baksa agangrikchengna nangenga ineba Chief Minister parakataha.
Iakoba poraie nina man·gen: Niamko ja•rikesa Speaker Assembly-ko chalaienga ine CM talata
