Shillong, Aug 31: Meghalaya aro Salgro-Salaram-ni sak 500-na baten chadamberang State Central Library, Shillong-ona damsan re•bae dingtangmancha pop culture, manderangni an•seng-baljokani aro chadamberangni dakmesokaniko dakbrine a•gilsako ong•enggipa obostarangkp mesokangaha.
Ia tom•bimonganiko “Youth Uncut: Real Talk on HIV” aro “Multiverse Saga 2025 – Cosplay withal a Cause,” ine bimung done, chadamberangna kengija agan-parakna, an•tangni skagita ganna-chinna aro songsaro ong•gipa obostarang jekai HIV-ni bidingo ong•gija bebera•anirang, me•a-me•chikni be•enni bakrangni aro gisikni an•seng-baljokani, drugs jakalaniko namatani aro an•tangni chanchianiko parakatani gimin mikrakataniko on•aha.
Skanggipa bak – Youth Uncut – Real Talk on HIV-o chadamberang aro HIV/AIDS-ni bidingo niamko tarigiparangni gisepo agangrikanirangko dakangaha.
Meghalaya-ni Health Minister Dr. M. Ampareen Lyngdoh ia session-ko dilaha aro chadamberangko kengija sing•anirangko dakchina aro jajagija aganchina ra•bianiko on•angaha.
“Na•simang kenna nangja. Dakchakaniko changsa phone ka•atanichin man•aigen – 1097-ona ka•ataibo. HIV gnang janggi tanggipa manderangna ka•sachakaniko nangja, ma•sichakanikosa nanga,” ine Dr. Lyngdoh aganangaha.
“An•chingni chadamberangni an•tangtangni changa-sapanirangko jakkale cosplay aro golpo agananirangko dake an•saoatanisa ong•aigija indiba HIV aro drugs jakkalani bidingo mikrakatanirangko on•aniko nike anga namen rasong chaa. Ian dakmesokanisan ong•aija indiba kakketgipa obostarangni gimin agangrikani ong•a aro anga bebera•a iandakgipa cholrangko skulrang, college-rang aro chadambe dolrangni gisepo ong•atna nanga. Chadamberangna kengija parakna aro skie ra•na iandakgipa cholrangko bang•en nangenga,” ine ua agandapaha.
Unbaksa panel-o bak ra•giparangara: Dr. W.B. Langstieh, Project Director, Meghalaya Aids Control Society (MACS), Wilson Dohling, Deputy Director – Prevention (MACS) , Ajoy Lanong, Deputy Director – Mainstreaming (MACS) aro Dr. L. Myrthong, Deputy Director – Medical (MACS) ong•a.
Uamang chatro-chatrorangni HIV-ko champengani aro sannani, Dating Apps, saksa-sakgipin bakaa tubrinani aro STI-rangni, ong•gija bebera•ani aro saksan donganio gisikni an•seng-baljokani, seng•gnang dakchakaniko on•nanina skigiparangni aro ma•a-paarangni dakna nanggni, drugs jakkalani aro namatpilani gimin chadamberangni dakdilani bidingo mikrakatanirangni gimin sing•anirangko damsan aganchakaha. Una agreba Minister social worker-rangko aro chadambe dilgiparangko gisikni an•seng-baljokanina parake agangrikanirangko dakna cholrangko bikotchina didiangaha.
Ia bak-o pekgipa bosturangko jakkalgiparang aro HIV baksa janggi tanggiparangni manderangna an•tangtangni obostarangni gimin parake agananirangkoba dakangaha.
Gnigipa bako, bang•a chadamberangan bak ra•angaha. Multiverse Saga 2025 – Cosppay with a Cause ine pangchakaniko done, bang•a cosplay mesokanirangko dakangaha jekai Genshin Impact, Final Fantasy, Marvel, Demon Slayer, Spy x Family, aro gipinrang. Ia bak-o golpo agananirangko dakanichi dingtanganirangko bang•en ra•bana man•gen ine mesokangaha aro iank bang•a an•saoanirang, dingtang dingtang rongrang, aro chanchisamsoe tarianirangko nikna man•aha jeon Shillong Cosplay Community (SCC) aro Salgro-Salaram-ni dingtang dingtang creator-rang an•tangni chanchichipaniko jakkale nama kamko ka•na ja•ku de•angaha.
Jakchi tarigipa ganding-chinding, dingtanggipa bewalo golpo aganani aro dakmesokanirangchi cosplayer-rang gisikni an•seng-baljokani, ong•gija bebera•ani, gisikni an•senggijani aro uandakgiparangni gimin mikrakatanirangko on•angaha.
“Cosplay-ko manderangko an•saoatnasan ong•aija indiba ong•gija bebera•aniko warachakna, agangrikanirangko dakna aro chadamberangko bil gnangatna man•gen ine chinga bebera•a,” ine Shillong Cosplay Community-ni (SCC) Abamita Giri Kharmalki kobor ra•timgiparangna parakataha.
Japan-ni dal•batgipa airline All Nipon Airways-ni General Manager Nishijima San-ba Shillong-ni chadamberangni gisik nange iandakgipa orto gnanggipa tom•bimonganiko ong•atanina an•tangni kusi ong•aniko parakataha.
Ia bak-ni mongsonggipa dakmesokanirangara cosplay ka•giparangni Chibi, Open aro Pop culture Hiroshima (PCH) category-rango susaanirang ong•a jeon uamang anime, video games, mythology aro comics-o janapgipa manderangko daksningaha. Iano susagiparang Meghalaya-nisan ong•aija indiba Nagaland, Mizoram, Assam aro Salgro-Salaramni a•dokrangoniba re•baaha.
Open Category-o, dingtangmancha seokako man•e chegiparangara- Hun aro Remica (sakgni) ong•a jemangan Marvel Rival-ni Scarlet witch chaos gown aro Magik dake taribaaha; aro Carrot & Lily jemangan Puella MagiMadoka-ni Madoka Kaname aro Homura Akemi dake taribae Open Category-o chegiparang ong•angaha; Best Craftsmanship-ko (ganding-chindingko jakchi nambate tarigipa) Warhammer 40k-ni Honor Guard aro Imperial Commisar dake tarinagipa Embhahlang aro Edenity man•angskaaha; Best Needlework-ko MLBB-ni Kagura dake taribagipa Sonia Khadangba cheaha; Best performance-ko Avengers-oni Iron-man, Spiderman, Captain America, Thor, Wanda & Thanos dake taribagipa Kyrmen, Silver, George, Hassen, Jefferson, aro Lola cheaha. Nina re•bagiparangoni Best Spectator-o Oreotrix chegipa ong•angskaaha.
Chibi category-o Fairy Tail-oni Erza Scarlet dake taribagipa Pearleen Rani chegipa ong•aha. People’s choice award-ko Greek Mythology: Odessey-ni Hermes: God of Travel dake taribagipa Loki cheaha.
Bon•kame, PCH India qualifier-ko Final Fantasy VII-ni Cloud Strife & Sephiroth dake taribagipa Team Materia-ni Kuro Tsuyoshi (Limasunep Jamir aro Imtisunep Jamir) cheaha. Uamang Pop Culture Hiroshima-o (Japan) India-ni pal re•anggen. Chegiparangna Japan-ona re•ruraani korosrangko All Nippon Airways (ANA) dakchakatgen.
Ia programme-ko Shillong Cosplay Community (SCC), Meghalaha AIDS Control Society (MACS), Yummy Noodles, aro Japan-ni All Nippon Airways-ni (ANA) bakrimani aro dakchakanichi tariaha. Skanggipa sokchenggipa sak-100 manderang jemangan jechakgija be•entangko porikka ra•e niaha, uakanhna Yummy Noodles dingtangmancha boksisko on•aha. Ua biapon screening aro testing centre-koba ong•ataha jeon sak-100-na bate chadamberang sanna-banani cholrqng jekqi HIV, TB aro NCD-rangna (Non-Communicable Disease) porikka ra•e nianirangko dakaha. Una agreba, dingtang dingtang anime-themed stall-rang, interactive booth-rang aro cosplay aro pop culture-ni bidingo dingtanh dingtang mesokanirangkoba dakangaha.
Na·simang iakoba nina man·gen:
Na·simang iakoba poraina man·gen: PM Modi-ni chang 125-gipa ‘Mann Ki Baat’-o Assam CM-ba bak ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
