Gangtok, April 19 : Sikkim-o election ong•atanio a•dokni dam 32 assembly constituency-o pu•onani 36.80 percent aro a•dokni damsa mangmang donggipa parliamentary constituency-o pu•onanirang 36.75 percent-rang gapa.

Melli constituency, jeon Citizen’s Action Party-ni vice president Bina Sharma, Sikkim Krantikari Morcha dolna chakpagiparangni jakchi chadrapako man•ahani a•sel ia election-ko chu•gimik tom•tome ong•atna gita man•jaha.

Dam 32 constituency-rangoni, Yuksam Tashiding-o 31.3 percent, Yangthang-o 36.16 percent, Maneybong-Dentam-o 41.46, Gyalshing Bernyak-o 37.96 percent, Rinchenpong-o 35.94 percent, Daramdin-o 35.4 percent, Soreng-Chakung-o 37.03 percent, Zoom-Salghari-o 37.01 percent, Barfung-o 39.86 percent, Poklok-Kamrang-o 39.28 percent, Namchi-Singhithang-o 47.37 percent, Melli-o 37.82 percent, Namthang-Rateypani-o 40 percent, Temi-Namphing-o 39.65 percent, Rangang-Yangang-o 33.76 percent, Tumin-Lingee-o 37 percent, Khamdong-Singtam-o 35.97 percent, West Pendam-o 31.64 percent, Rhenock-o 40.97 percent, Chujachen-o 35.3 percent, Gnathang-Machong-o 35.89 percent, Namcheybong-o 36.17 percent, Shyari-o 32.99 percent, Martam-Rumtek-o 36.96 percent, Upper Tadong-o 30 percent, Arithang-o 29 percent, Gangtok-o 29.15 percent, Upper Burtuk-o 32.64 percent, Kabi-Lungchok-o 36.93 percent, Dzongu-o 50.33 percent, Lachen-Mangan-o 40.57 percent aro non-territorial-ni Sangha constituency-o 38.32 percent ong•a.

Sharma, CAP-ni Chief Ministerial candidate Ganesh Rai baksa Kubenday polling station-ona re•angpaaha. Namchi-Singhitang-ni candidate aro ku•wattimgipa Mahesh Rai-ni aganani gitade, “Bina Sharma-ni phone-ko pe•e galatan baksana uko polling station-ni apalchinaba jit•pake galataha.”

Singtham-Kamdong constituency-ni ning•o ga•akgipa Ralap-ni video ge•sao, SKM dol aro Sikkim Democratic Front Party-ni gisepgriko golmal ong•aniko nikna gita man•aha.

CAP dolni dilgiparang aro BJP President DR Thapa Upper Burtuk-o pu•onangaha, Sikkim Republican Party-ni KB Rai Rhenock-o aro Soreng-Chakung constituency-o SKM-ni President aro a•dokni Skotong Minister Prem Singh Golay, on•gimin bilko jakkale an•tangni gamchatbegipa vote-ko on•angaha.

“Manderang changsatai chingko bilo ra•bapilna tik ka•manaha aro gnigipa changoba chingni sorkari riktaianiko namnikenga, uni gimin anga pu•ona re•bagipa  saksantikon mitela,” ine Skotong Minister Prem Singh Golay, Soreng-chakung constituency-ni ning•o ga•akgipa uni atchiram song singling-o vote pu•ona jaman aganangaha.

Una agreba, battanggimin bilsirango uamangni sorkari, an•seng baljokanina, lekka pora-ni bidingo kam ka•anirangko talate on•an baksana Covid- 19 ong•miting somoirango neng•nikanirangko man•genchim ong•omangba sorkarini kamrangko name dondikani gri kamko ka•angaha ine aganangkuaha.

SKM-ni dilgipa, Golay, dam 32 assembly constituency-rango aro damsa mangmang donggipa parliamentary constituency-oba che•gen ine a•kange aganangaha.

Uasan ong•aigija,” angade antangni bebe ra•aniosa susaaniko dakenga, indake BJP dolba an•tangni dingtang miksongani gnang susaaniko dakenga, sawa sana kena nanga uni gimin anga mamingkoba ku•watna sikja. Bilsi bongani gisepo chinga chingni pilak kamrangko me•sokman•aha aro chinga da•oba National Democratic Alliance baksaan ong•kuenga. A•dokna namroro silroroaniko ra•baanirangko dakesa chinga vote-rangko am•enga, niate nigenchim ong•ode battanggimin bilsirangna bate ia bilsian election-ko tom•tom ong•atna man•kalaha ine nikna man•a,” ine Golay janapataha.

SKM-ni Lok Sabha MP Candidate Indra Hang Subha, SPF-ni dilgipa KN Rai jean re•anggipa March jani 1 tariko chadrapako man•ahachim, Melli-o vote pu•onaniko dakangaha.

Singtham-Kamdong-o susaenggipa SDF-ni candidate MK Sharma, jean 2023 bilsini January jao SKM-ni sorkari-o Health Minister ong•aniko watgalahachim an•tangni gamchatbegipa vote-ko on•aha.

Na·simang ia video-koba nina man·gen:

Na·simang iakoba poraina man·gen: Meghalaya a•doko Lok Sabha election tom•tome matchotanga, 5 bajiona kingking pu•onani 69.91% gapa

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020