Shillong, Oct 4: Sikkim a·doko mikkarang jimbee waangenba, chirang banangani ja·man Indian Army-ni sak 23 sipairang gimaengani gimin Meghalaya a·dokni Chief Minister Conrad K Sangma-ba suk ong·gijaniko parakataha.

Gimaenggipa sipairang aro Sikkim a·doko songdongenggipa pilakni naljokgnina ua Nokgipa Isolo bi·chakenga ineba Sangma parakataha.

Sikkim a·doko rang·san mikkarang jimbee waangenba chirang banangani ja·man, bang·en nok-jamrang nosto ong·atako man·angan baksana Sikkim a·dokni dingtang dingtang biaprango songdongenggipa manderang neng·nikanirangko chagrongna nangtokengachim.

Sikkim a·doko gimaenggipa Army-rangko sandina aro neng·nikanirangko chagrongna nangenggipa manderangna pilak nanga dakchakanirangko on·na gita Sikkim sorkari, Indian Army aro gipin sipai dolrang baksa kamrangko ka·skaengaha.

Chirang banengahani gimin ongipa biaprango songdong a·chaenggipa manderangkoba chukala biaprangona katdoe dongchina gita Sikkim sorkari u·iataha.

Mikkarang jimbee waanganichi Sikkim a·doko manderangni nok-jamrang, rama jal·langrang, bagan barirang aro uandaken sorkarini gam-jinrangba bang·en nisiatako man·angahachim.

Iakoba poraie nina man·gen: NEC Academy aro ICFAI nangrime, Tura-o Integrated Training Course-rangko ong·atenga

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub