Gangtok, Oct 4: Sikkim a•doko mikkarang jimbee waangani ja•man, Teesta chibima dal•bae Rangpo-ni Industrial Belt (IBM)-o komibeoba te 150 nokrang nosto ka•ako man•aha aro sak 23 Army-rangko man•chape sak 43 manderang gimakuenga.

Saksani manggisikode Budbar attamchibara, IBM joloniko man•aha.

Mongolbar walo, South Lhonak Lake-oni rang•san chirang joksrubae, Sikkim a•dokni Rangpo jolrango ia a•sel ong•aha.

Chi bananio nokrang bang•batan gadang gnigipaona kingkingde chi mriptokaha aro kam ka•enggipa manderangni dongchakchengna rikgipa nokrangkode chi man•angtokaha.
Chi dal•baani ja•man Rangpo jolo donggipa sak 3000 ba sak 4000 manderangkode, Budbar pringwalni 2:00 bajimangon dingtang biaprangona apjitataha.

Pakyong district official-rangni u•iatani gitade, nokgri jamgri ong•na nanggipa manderangna relief camp-rangko donataha aro Budbar attamni gisepon komibeoba sak 300 ba 400-mangni gitade, relief camp-rango katnaptokaha.

Indake ong•engon, Teesta chibima dal•kuengani gimin Sikkim a•dokni salgro aro salaram jolrango songdongenggipa manderangna sorkari, mikrakatanirangkoba on•ataha.

Mangan District-ni Superintendent of Police (SP) Sonam Detchu-ni parakatani gitade, Teesta chibima dal•barorokuengani gimin ia a•ja damgnio songdongenggipa manderangna mikrakatanirangko on•ataha aro ongipa biaprango donggipa pilak police station-rangkon mikrake dongchina gita u•iataha.

Teesta chibima rikamrango donggipa pilak manderangkoba chubata biaprangona katdoe dongchina u•iataha.

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub