Tura, Dec 14: Da·al salni bako mongma manggni Bangladeshoni Indiaona ga·batbae songni nokni manderangko so·sojengjeng ong·atenga. Pring 5 bajimango uarangko Kamarpara songchipak re·angako nikriktokaha.
Pring 7 bajimango ua mongmarang South Garo Hillsni Kawahagra songo nape mande saksako kal·akaha. Kal·akako man·gipa, Wajing Momin-ni demechik Faidila Momin, babilsio mi-bijak song·engachim. Saknabea man·gipa Faidilako Ampatini Civil Hospitalona ra·angaha ine kobor man·soaha.
Ua jolo mongma nape kal·akchengani ian skanggipa chang ong·ja. Ia bilsini August jao BSF sipai saksaba ua jolon rong·ma on·jetachi janggitangko gimaataha.
Apsan jaon, bilsi 59 ong·gipa game cha·gipa Milendro Momin rong·ma onjetanio janggitangko Kurung songo gimaataha. Uan Tikrikilla jolni Pedaldoba sambao ong·achim.
Apsan daken, July 31 tarikoba bilsi 4 ong·gipa bi·sa aro uni ma·gipako South Garo Hillsni Gasuapa jolo mongma kal·akaha.
Iakoba poraie nina man·gen: Umiam dolongko taridapanichi gari bilongeng changketenga
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
