Shillong, Dec 14: Umiam dolongko gitik gitak tarianichi da·al Bristibar salo gari re·anio namen changketani ong·enga. Gari salgiparangoni bang·batan dolong tariani bidingo u·isoa gri ong·e ramao gari changketanina jagokmanpilaha.

ITC Cementation India Limited mejal, December 13 tarikonin, ua nosto ong·angenggipa dolongko taridapna a·bachengaha. Umiam dolong uni baina nanganan batpile tangbangaha, indiba ru·uta bilsirangna garirang bang·e re·ahani gimin ua da·o nosto ong·angna a·bachengaha. Ru·ute baidapangkuchina gita batanggimin bilsirango taridapanirang dongaha, aro uarangoni damsara Umiam chibolko na·gil kapengako taridapanian ong·a.

Dolongni paksamsako tariengon paksamsa gita gari watenga. Uko taridapengon a·kol pua, cementni kamrangko ka·anirang dongani gimin dal·dalgipa garirangkode, rama changketdapna kene, re·na on·kujaenga. Dolong gita re·angode gari changketako amchakjani gimin bang·a garirangkon Umroi Bypass gita aro Umroi Airportoni Umrynjah-VIP Road gita watruraskaenga.

Bang·bata gari salgiparangan, mongsongbate Guwahationi re·anggipa garirang, cholgipin ramako u·ikujani gimin jajabeaniko man·enga. Gari ning·o ru·uta kontarangna asonge sengna nangengon, dolong tariani bidingo sorkari a·same u·iatsona nangachim ine mitamde matnange dongenga.

Da·o Umiam dolongko taridapenggipako matchotna jabrimang nanggen, aro uan dolongni baianiko bilsi 25na ra·dodapanggen.

Iakoba poraie nina man·gen: Manipur-o ong•enggipa obostani bidingo mamingkoba aganjachina Mizoram-ni gital CM-ko Manipur CM agana

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub