Shillong, Oct 15: Karbi Students Union (KSU), Meghalaya a·dok baksa chagrongenggipa sima ari-ni bidingo neng·nikanirangko jagittamni gisepo namatchina, ong·jaode Karbi Anglong-na a·dok dingtangko on·china ine Assam sorkarina somoiko on·angaha.
West Jaintia Hills a·jani Karbi aro Pnar songrango kajia-golmalrang ong·anichi Oriwel Timung minggipa Karbi chadambe saksani siani ja·mano KSU ia dabianirangko dakangaha.
“Ia obostarang West Karbi Anglong-ko Assam sorkarini chel·chakna man·gijaniko mesoka, aro Karbi Anglong aro West Karbi Anglong a·jani sima ari-ko namedake tarina Assam sorkari gisik nangja ine changsatai parakaha,” ine Budbar salo KSU-ni president Tokbi Sarim Tokbi aganangaha.
Assam sorkari aro Meghalaya sorkari-ni gisepo soi ka·gimin 2022 MoU donggenchimoba, iandakgipa obostarang Tapat aro Dhansiri jolrang basakoba basakoba ong·enga ine ua talatangaha.
“Ia sima ari-ni obostarangko jagittamni gisepo namatchina chinga Assam sorkarina somoi on·aha, ong·jaode Karbi Anglong aro West Karbi Anglong-ni manderang a·kingtangko chel·chakna jaktango ra·gen, maina Assam sorkari KAAC jolo donggipa a·jarango songdonggipa Karbi-rang aro gipin jatrangni neng·nikanirangna aro uamangni a·arangna mamung dakchakaniko on·jaenga,” ine Tokbi agandapangaha.
Uandake KAAC jolo donggipa Karbi-rang aro gipin a·brini jatrangko chel·chakna aro niam-retirangko rakkina Karbi Anglong-ni manderangni jako bilko pakwatchina KSU Assam sorkario dabiangaha.
Una agreba, West Karbi Anglong aro Meghalaya baksana Karbi Anglong aro Nagaland-ni sima ari jolrango songdonggipa manderangna, slai jakkalani gital niamrango pangchake slai-rangko ra·bite sima arirangni kajiarangoni an·tangtangko chel·chakna on·chinaba uamang dabiangaha.
“Chingni janapgiminrangko chu·sokatna man·jagenchimode, Assam sorkari KAAC-ko sason ka·angkuna kraja, aro India-ni niam rongdikni Article 3-o pangchake dingtang a·dokko ta·raken on·na nanga. Assam sorkari chingko chel·chakna aro chingni nangnikaniko on·na man·jagenchimode, chinga an·tangtangan an·tangtangni itihasko segen. KAAC-o songdonggipa Karbi aro gipin manderangko chel·chakna man·jagenchimode mikkangchi dal·a obostarang ong·gen aro Assam sorkari-an dosi ong·gen,” ine KSU-ni president aganangkuaha.
Na·simang iakoba nina man·gen:
Na·simang iakoba poraina man·gen: Nongkharai Presbyterian HS School-ko nokdonggaanio Conrad bak ra·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
