Shillong, June 23: Sima-arini mamlao niroke kamko ka·na songako man·gipa Ri-Bhoi-ni Regional committee-ko dilenggipa aro a·dokni dakchakgipa skotong minister-ba ong·enggipa Pa Prestone Tynsong, Sukrobar salo committee-ni manderang baksa Shillong Secretariat-o tom·e chanchidilangaha.
Chanchimani bidingo talatangengon, a·dok damgnini gisepo bangki golmal gnanggipa a·damrangona re·enba biaprangko nirokani ja·man kamrangko ka·chakatna gita re·baenggipa jao Assam baksa tom·e chanchirimaniko dakna committee tik ka·e dongaha ine Pa Tynsong parakataha.
Pa Tynsong -ni janapatani gita, Ri-Bhoi a·jani ning·o golmal gnanggipa biaprang jekai, Budwar, Nongwah aro Block II, ia biaprangni gimin ua somoio Assam sorkari baksa tom·anio chanchrimanggen.
Agangrikani niamde batanggimin chang skanggipa gadango sima-ari gimin golpogrikanga gitan apsan ong·aigen ineba ua agandapataha.
Assam baksa kajia-golmal gnanggipa a·jarangko sakkirang baksa Meghalaya-ni ine a·kangna sorkario chu·ongen lekkarang donganiko sing·on, Pa Tynsong, a·doko chu·onga gitan lekkarang dongani gimin ka·dongen aganchakangaha.
Iakoba poraie nina man·gen: M’laya-o renewable energy-ko jakkalskana jotton ka•enga ine Power Minister paraka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
