Williamnagar, November 29: Simsanggre Soil and Water Conservation Division-ni ning•o donggipa Rongjeng Sub-Division-ni Nongbak A•ding songo, dingtangmancha PMKSY-WDC 2.0-ni ning•o Inputs Distribution of Livelihood and Production System program-ko ong•atangenba, Meghalaya a•dokni Soil & Water Conservation Minister Marcuise N. Marak, Rongjeng-ni MLA, Jim M. Sangma, Rongjeng-ni Civl SDO Reuben Ch. Momin, PHE-ni SE, Jebulun M. Sangma, PHE Rongjeng-ni SDO Sengkam P. Marak aro gipin agipi dilgiparangni mikkango song damgittam chong•motan, Rongbang, Chibra aro Nongbak A•ding songni manderangna aro Self Help Group-rangna, uamangni janggi tangani cholrangko namdapatna gita power tiller, rice mill, OTG, Sewing Machine, sol•a-repna jakkalgipa bosturang aro gipin nangchongmotgipa bosturangko suale on•angaha.
Ia bosturangko man•gipa self-help group aro songni manderang, Meghalaya sorkari aro Soil and Water Conservation Department-ko uamangna ia bosturangko on•ahanina mittelpilangaha.
Ia tom•aniko Divisional Soil & Water Conservation Officer Corbeth Homa D. Sangma dakdilenba rimchaksoani kattarangkoba aganangjolaha.
Tom•anio Rongjeng-ni MLA Jim M. Sangma-ba jinmana aganprakengon, Simsanggre Soil & Water Conservation Department-ko ia indakgipa projectrangko ra•bae manderangni janggi tangani gadangko ra•dona kam ka•enganina mittele, Meghalaya a•dokni skotong minister Conrad K. Sangma aro Soil & Water Conservation Minister Marcuise N. Marak-ko a•dokni manderangna namgipa cholrangko on•enganina mittelpilangaha.
Ia tom•anio mongsonggipa ong•e sokgipa a•dokni Soil & Water Conservation Minister Marcuise N. Marak, jinmana aganprakengon, manderangni janggi tangani gadangko ra•dona miksonge sorkarini kam ka•anirangko talatangenba, sorkarini on•enggipa scheme aro bosturangko name jakkalchina aro buring-bolgrimrangko ripingchina gita songni nokni manderangko didiangaha.
Iakoba poraie nina man·gen: ‘Greater Tipraland’-na dabienggipani bidingo TMP, MHA-ni advisor-ko gronga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
