Shillong, May 2: Meghalaya a·dokni Skotong Minister Conrad K Sangma, a·doko sokbaenggipa wachi karina tarisamsoani kamrang baditana chu·sokaha uko nina gita State Disaster Management Authority aro iano bak nangpagipa gipin mongsonggipa line department-rang baksa Deputy Chief Minister Prestone Tynsong, Health Minister Ampareen Lyngdoh, Chief Secretary D. P Wahlang aro IMD, PHE, Health, PWD aro Power Department-ni a·gipibatgipa officer-rang baksa tom·bimonganiko ong·atangaha, jeon District officer-rangba video call gita bak ra·angpaaha.
Wachikarini somoio neng·nikanirangko name jakdangdikna, nosto ong·anirangko komiatna aro nangchakea man·gipa manderangni janggi tanganiko apsan ong·atpiltaina pilak department-rangan apsan nangrime kamrangko ka·na nanga ine Skotong Minister aganangengon, ong·telaigipa obostarangni somoio dakchakanirang jekai chi-rangko sokatani, ma·chakaniko on·ani aro cha·anirangko joljol on·a nanganiko u·iatangaha.
Uasan ong·aigija, ua Deputy Commissioner-rangko salantian jolni Disaster Committee baksa grongenba songni dolrangna ge·etanirangko on·china u·iatangan baksana a·doko songdongenggipa manderangna nangchongmotgipa u·iatanirangko dingtang dingtang media-rang gita jolo agangipa ku·agananirangchi u·iatanirangko on·a nanga ineba janapataha.
Sorkari, manderangna senggnang mikrakataniko on·ani kolrangko namdapatna kamrangko ka·enga ine aganengon, dingtang dingtang biaprango dingtang dingtang neng·nikanirangko chagronga, chong·motan Garo Hills-o chi ban re·anirang aro Jaintia Hills-o a·a ruanirangko chagrongna nangskaa inenba Skotong Minister talate on·angaha. Una agreba, ua chu·onga gita kam ka·giparang manderang baksana machine-rang jekai ringrang aro a·a galgipa garirang dongama dongja uarangko nianiko dakangaha. Ong·telaigipa obostarangna bang·bate ranta ka·soanirang jekai rama jal·angrango a·a ba jabol ga·akaniko galani, chi aro bijolini silitingrang tarianiko ranta ka·aniko dake, nanggitikan somoina tarisamsoe dongna nangchongmotani giminba ua u·iatangaha.
Na·simang ia video-koba nina man·gen:
Na·simang iakoba poraina man·gen: SSLC porikkao 75% bate man•gipa chatro chatrirangna boksis on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
