35.6 C
Tura

Skotong minister, Dominic Sangma-ni gital jawilwat ‘Rapture’-ni poster-ko oprake on·anga

Must read

Shillong, July 21: Meghalaya-oni saksa jawilwat tarianio mingsing-minggama man·gipa aro adita award-rangko chegipa Dominic Megam Sangma-ni tarigipa ‘Rapture’ jawilwatni noksa ba poster-ko a·dokni skotong minister Pa Conrad K Sangma, Sukrobar salo uko grongeani somoio oprake on·angaha.

Minit 127 mang bakroe tarigipa Dominic-ni gital jawilwat ‘Rapture’ ba ‘Rimdogittanga’ ingipako Switzerland a·songo Locarno Film Festival-ko ong·atenggipao a·gilsak gimik susaenggipa Concorso Cineaste del Presente section-na seokako man·ahachim.

Iani bidingo Pa Sangma, uni Twitter-o see parakatanio, a·dokoni saksa mingsinggipa jawilwat tarigipa Dominic Sangma angko nokona re·baenba grongeaha aro uni gital jawilwatni noksako oprake on·china gita angna cholko on·aha ine parakataha.

Advertisement

Skotong minister, iana skang Garo jawilwatrangoni national award-ko man·chenggipa aro 2019 bilsio ong·atgipa chang 22-gipa Shanghai International Film Festival-o Best Cinematography Award-ko chegipa Dominic-ni tarichenggipa “Ma·ama” jawilwatni giminba janapjole seataha.

Jawilwatni poster-ko oprake on·anganio, a·dokni skotong minister, Dominic Sangma-na aro unbaksa kamko ka·rimenggipa gimiknan mikkangchina uni nama sikanikoba on·atjolaha.

Iakoba poraie nina man·gen: Tura ni traffic police-rang Te•teng A•ja-o ranggitik gari lekarangko sandi-rikota

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

More articles

-->
-->

Latest article