Shillong, Jan 25: Da•al salni bako, Skotong Minister Conrad K Sangma, Umsohliat-o ong•atgipa program-o Mawhati C& RD Block-ko nokdonggae on•angaha. Minister Abu Taher Mondol, Mawhati-ni MLA Charles Marngar aro Umsning-ni MLA Dr. Celestine Lyngdoh-ba ia tom•anio dongpae bak ra•angpaaha.
Skotong Minister, jinmana aganprakatengon, ia gital block-ko nikna man•aniara administration-ko manderangona sepangbatatanio sorkarini on•kange kam ka•aniko mesoka ine aganangaha. Batanggimin sal somoirango Umsning C&RD Block-ni manderang block office-rangona re•angna gita km 100-ko re•angna gita nanganina•sel ia gitalgipa block-ara namen nangchongmotgipa ong•achim ineba janapataha. Ia gital block, Mawhati-ni manderangnasan dangdike on•aijawa, maina ia gital block-ni ning•o Umsning-ni dam 66 songrangko man•chapa.
Sorkari, Block office-rango bang•bata namgnirangko on•a gita kamrangko ka•enga, jedakode nangan somoio manderang a•jani headquarter-rangona re•angna gita nangjawa inenba, Skotong Minister aganan baksana, Mawhati block office-ko ta•raken ra•chakaniko dakanggen aro jolo tangka paisani gita tang•dobatatani aro administration-ko bilakbatatna gita Umsning-Mawhati ramako tariani bidingo chanchirimanikoba dakanggen ine ku•rachakeba ra•angaha. Uasan ong•aigija ua official-rang aro jolni manderangko apsan kam ka•china aro manderangna ka•sae dangdike on•china gita didiangaha.
Minister Abu Taher Mondol, ia gitalgipa block jolo rika cho•ani kamrang baksana manderangna janggi tangani cholrangkoba nakatatgen aro sorkarini namgnirangko songni manderangona sokatna gita dakchakgen ineba u•iataha. Meghalaya a•doko tangka paisani gita tang•dobatataniko ra•bana gitade songadam biaprango tang•dobatataniko ra•bana nangchongmota ineba ua u•iatangaha.
Ia gitalgipa block-ko man•aniara namdaproroaniko ra•baani chin ong•a, maina ian an•seng baljokani, lekka pora skie ra•ani aro rika cho•ani kamrango dakchakbeani ong•gen ine Mawhati-ni MLA Charles Marngar aganan baksana, ua sorkariko mitelangenba ia block-ko jinma ku•mong nangrime kamko ka•achisa bimang ong•atna gita man•aha ineba aganangkuaha.
Ia Mawhati C & RD Block-ara, a•dokoni gitalbatgipa aro 56-gipa block ong•enga. Ia tom•bimonganio klas 11-ni chatro chatrirangna M-Tab-rangkoba suale on•angaha.
Na·simang ia video-koba nina man·gen:
Na·simang iakoba poraina man·gen: IIM Shillong-ni ong•atangggipa campaign, Meghalaya-o lekka pora bidako skie ra•anio dingtanganiko ra•baa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
