Tura, Dec 20: Apiculture Mission 2.0 -ni ning·o Tura songjinmaoni bija jile cha·giparangna Meghalaya a·dokni skotong minister Pa Conrad K Sangma, Sombar salo bija jilchakani nokrangko manderangna suale on·angaha.
Bosturangko suale on·ani somoio skotong minister-ni u·iatani gitade, ia mission-ni ning·o sorkari, gong kror 60 tangkarangko dingtangmancha chamsoe donaha.
Ia Mission-ni miksonganian bije jile cha·enggipa manderangni bija jile man·ani cholrangko baridapatna, bija bitchi man·aniko tang·doatna, Meghalaya a·doko bija bitchi tarianiko aro pala-sim·anirangko tang·doatna gita ong·a ineba skotong minister agandapataha.
