Shillong, Sep 17: A·gilsak gimikoni mikka wabatsranggipa biap ine mingako man·gipa Sohra, da·alo komigipa mikka bitchirangko man·skaenga ine nikna man·a. Ia bilsio mikka bitchirangko man·anio 40% mangni gita komiaha ine sandie nianio nikna man·aha.
Sohra-o donggipa University-o poraienggipa chatri Millisabeth Kharshiing, a·dok chigatangni dingtangangenganiko nike name suk ong·gijaniko parakataha.
Uni bi·samitingo kimpretan bakan jimbee mikka waaniko gisik ra·atpile aganengon, da·alo mikka wagenchimoba adita kontarangnasan waiaha aro basakobade waan wasrangjaenga aro uasan ong·aigija mikkarang komie aro ja·manchakbee waani a·sel game ge·e cha·anioba neng·nikaniko man·engaha ine ua aganaha.
Uasan ong·aigija ding·bataniko chagrongan baksa ringani chirangkoba skangna bate man·a nengengaha aro ia obostarangara bol wa·a den·galani, mande jelroroani aro ding·pretengani a·sel ong·enga indake ong·genchimoba bol wa·arangko ge·daprongachi aro a·dokko rongtal an·talate rakkianichi Sohra-ko mingsing minggamaoniko rakkina dakchakgen ineba ua aganaha.
Iani gisepon lab technician Edams Diengdoh, mikka bitchirangko komie man·genchimoba pilak namgnisa ong·aia maina skangode mikka wadugaani a·sel hajira kam ka·e cha·giparangba salantio ong·kate kam ka·e cha·na man·jachim indiba da·alo mikka komie waani gimin uamangba kam ka·e cha·na man·engaha ine aganaha.
Sorkarini ning·o kam ka·e cha·enggipa Steven Diengdoh-ba, iandake mikka komie waengani gimin a·palchi ong·kate rona man·engaha ine aganskaaha.
Badingchiwalaniko dakenggipa Roger Ranee-ba, Sohra-ko a·gilsak gimiko sosibatgipa ba mikka wabatsranggipa biap ine mingako man·anina name rasong chabea, indake ong·genchimoba komie mikkarang waanichi bang·a namgnirangko man·skaa jekai internet connectivity, mobile network nambata aro rama ja·langrang nosto ong·aoni naljokbata ine aganaha.
Sohra-o mikka bitchirangko man·ani komienganiko 2025 bilsini January 1 tarikoni September 17 tarikona sandirikite nianichi, pangna bilsi 11,070 mm mikka bitchirangko man·ana bate komie 6,682.7 mm mangsan mikka bitchirangko man·aha ine nikaha aro ian 40% mangni gita komibata ine nikna man·a.
Ia bilsio Karnataka-o 7,300 mm mikka bitchirangko man·aha ine nikna man·engon Sohra-o mikka bitchirangko man·ana baten man·aha aro ian ‘Wettest Place” ine bimung mingaoni ra·galako man·a Sohra-na kenchakani dongenga ine u·ina man·a.
Mikka bitchirangko komie man·asan ong·aigija, ia bilsio ding·batanikoba Sohra-o chagrongaha ineba nikna man·a.
Na·simang iakoba nina man·gen:
Na·simang iakoba poraina man·gen: WJH-ni Amlarem-o Road Safety & Awareness Programme-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
