Tura, May 11: North Garo Hills a·jani Adokgre song samba jolo donggipa Assam-ni A·chik song damsao, mande sigipao na·tok on·ako cha·ani ja·man bang·a manderangan saaniko man·e hospital-o donatako man·tokaha.
A·chik Organisation for Social Welfare (AOSW) dolni kobor on·ani gitade, ia a·sel ong·ani Budbar salo, Assam Goalpara a·jani Mariampur songo ong·aha. Budbar salo, ia songo mande siani gimin Adokgre aro Kharkutta songrangko man·chape dingtang dingtang A·chik songrangoni bang·bea manderang mande sigipaona re·angtokahachim aro mande sigipao na·tok cha·ani ja·man sak 160-mangni gitade manderang, saaniko man·tokaha ine AOSW parakataha.
“Saaniko man·gipa manderang gimikan apsan chin gnang saahani gimin ia manderang, gipin biaprangoniko ra·bagipa na·tok (challan)-ko cha·e saaniko man·aha ine ma·sina man·aha,” ine AOSW-ni president Gripping Marak parakataha.
Assam aro gipin biaprangoniko na·tok aro broiler-rangko ra·baengon, iandakgipa a·selrang ong·jana gita name porikka ra·e nichengesa ra·bachina gitaba ua district official-rangko didiataha.
Iakoba poraie nina man·gen: Tura-ni director Jenifer Datta Areng-ko Cannes Film Festival-ona okamatenga
