Shillong, May 3: Sonibar salo, Meghalaya a·dokni Skotong Minister Conrad K. Sangma, a·dok gimiko higher secondary class-rangko a·bachengatna gita bang·bate class ra·chakani kutturirangko rikna gita dam 50 skulrangna building grants-rangko on·a miksongenga ine u·iatangaha.
Tura-ni Bidanchi Higher Secondary School-o ge 4 gital class ra·chakani kutturirangko kulie on·ani somoio, Skotong Minister baita sak chatro chatrirang school-o bimungrang segataha aro batanggimin bilsirango school-rang board-ni porikkarango name dakama dakja uarangko nigrikenba, Chief Minister’s Special Development Fund (CMSDF)-oniko sorkari aro private skulrangna building gitalrangko rikna dakchakaniko on·anggen ine u·iatangaha. Sangma, ia bilsioni higher secondary class-rangko a·bachengatna gita ia skulna lakh 10-koba on·dapangaha.
Skotong Minister, Education Minister-ko CM-IMPACT guide book-rangko on·e class 10 (SSLC) porikka segiparangna mongsongbate songo poraigipa chatro chatrirangna nambate tarisamsoaniko dakna dakchakaniko on·ahanina mitelangaha. Pass ka·giparang pangna bilsian 25% mangni gitasan ong·aiachim, indiba ia bilsio bang·bata chatro chatrirangni pass ka·anina ua kusi ong·beaha inenba Skotong Minister janapataha.
Uasan ong·aigija, seoka man·gipa school ge·antian class ra·chakani kutturirangko rikna gita one-time grant dake lakh 50 prakko man·gen inenba ua janapangkuaha.
Na·simang ia video-koba nina man·gen:
Na·simang iakoba poraina man·gen: Jowai-ni Kiang Nangbah Government College-o U Kiang Nangbah-ko gisik ra·e mande ra·ani tom·bimonganiko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
