Shillong, June 25: HNLC bobil dol baksa tom·tomanina songgigrikaniko dakengon batanggimin somoio bobil dolni ka·gimin pilak ong·gija kamrangko kema watna nanggen ine aganangpiltaienba, champengata man·gipa Hynniewtrep National Liberation Council (HNLC) bobil dol mija Sonibar salo, uamangni dilgiparang aro sipairangni kosako segatanggimin pilak criminal case-rangko ra·pilchina gita aganangaha.
Ia dabianiko bobil dolni dilgiparang, ma·mong aro a·dok sorkari baksa skanggipa gadango tom·tomanina agangrikaniko dakangani somoioba janapangahachim ine nikatna man·a.
Iani bidingo bobil dolni seoke watatgipa aro HNYF-ni padot Sadon K Blah, mija Sonibaro koborko on·timgiparangna aganangengon, sorkari baksa tom·tomanina songgigrikaniko dakani gimin chinga damsan chanchirimaha, indiba HNLC bobil dolni dilgiparang aro sipairangni kosako on·gimin pilak criminal case-rangko ra·pile sorkari uamangni ong·gija kamrangko kema watna gita nangskagen ine parakataha.
Uamangni pilak ong·gija kamrangni kosako, a·dok sorkari aro ma·mong sorkari dolgnini kema watanikosa bobil dolrang nangnikenga ine aganatan baksa, HNLC-ni chairman Bobby Marwein aro general secretary-cum-publicity secretary Sainkupar Nongtraw-maangni kosako ma·mongni National Investigation Agency (NIA) -ni on·gimin chargesheet aro segatgimin mamla mingsa mangmang gnang ineba ua agandapataha.
Indake ong·engon, bobil dolni kosako kemako watani bidingo sorkarini ra·chakataniko man·na bang·gija antirangkosan nangaigen ine Ministry of Home Affairs (MHA) aro a·dokni seoke watatgipa manderangni batanggimin somoio ka·dongataniko on·anganikoba ua u·iatjolaha.
Ma·mong sorkari baksana a·dok sorkari aro bobil dolni gisepo dolgittam chanchrimangani somoio sorkariba adita agan-kupattianiko aro proposal-rangko on·angaha ine u·iatengon, sorkarini on·gipa proposal-ni gimin da·alonin chinga chanchrimgen aro tik ka·giminko chingaba sorkarina u·iatna aro uamangba chingna u·iatskana man·na gita iani bidingo tom·piltaianiko basako ong·atgen uko chinga tik ka·e donanggen ine Blah aganangaha.
Political agenda-ni gimin bobil dolni gita da·odipet damsan chanchirima dongkuja ine janapatskaengon, political agenda-ni gimin chanchina skangba bobil dolni pilak ong·gija kamrangko kema watani do·gako oe on·chenganiko chinga sengengkua maina political agenda-ni mamla salsa-salgnini kam ong·ja ineba Blah parakataha.
Iakoba poraie nina man·gen: Sima-arini golmalo kamko ka·na Regional Committee, re·baenggipa jao Assam baksa tom·na tik ka·anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
