Shillong, Aug 15: Somoi aro biap baseani gri, a·doko songdongenggipa sakantini nokdangrangona sorkarini dingtang dingtang kamrangko sokatna gita nikjumanga donganiko a·dokni skotong minister Pa Conrad K Sangma aganangenba, ia nikjumanganiko chu·sokatna uni sorkarini gitalgipa program CM-CONNECT-ko a·doko a·bachengate on·anggniko Mongolbar salo parakangaha.

Ia nikjumanganiko be·en pil·atna, CM-CONNECT programni ning·o, sorkarini kamrangko nokantiona sokatna man·na gita a·dokni kona-noksik gape songantion Village community aro Data Facilitator-rangko donatna gita kamko ka·enga aro chingni watatna miksongenggipa manderanga joltangonin ong·gen, jemangon sorkarini kamrangni gimin aro dingtang dingtang neng·nikanirangko man·ani bidingo songni-nokni manderang koborko ra·grike kamrangko ka·na cholko man·gen ine Pa Sangma, a·dokni manderangna sorkarini ka·gnigipa kamrangko namdapatna kang·kare kaengani gimin aganangaha.

A·dokni manderangna dangdike on·ani kamko namdapatanirango nangchongmotgipa kamko dakna nanganiara a·doko songdongenggipa manderangni bimingko segatanirango bilakna nanggen, maina iako dakachisa programni namgniko man·giparangko sorkari department-rang u·ina man·gen aro nanga gita dakchakanirangko on·skana man·gen ine Pa Sangma aganatan baksa, ia kamo chu·sokna gita a·doko songdongenggipa manderang aro nokdangrangko sulsul biming segatna gita Family ID programko a·doko a·bachengate on·anggen ineba skotong minister u·iatangjolaha.

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub