Shillong, Mar 3: South Garo Hills a•jani headquarter Baghmara-onaba rel ramarangko tariangchina gita South Garo Hills a•jani MLA-rang, a•dokni Chief Minister Conrad K Sangma-ko mol•molna tik ka•angaha.
Iani bidingo talataniko on•angengon, Guwahati-oni Mendipathar-ona tarianggipa rel ramako Baghmara-ona aro Dhaka-onaba tariangchina gita South Garo Hills a•jani MLA-rang, Chief Minister-ko gronge memorandum-ko on•na miksongenga ine Sombar salo, a•dokni Education Minister aro Rongara-Siju constituency-ni MLA Rakkam A Sangma parakataha.
India a•songni jakgitelko man•na skangan South Garo Hills a•jao bading chiwalanirang chu•sokgipa ong•aniko nikna man•ahani gimin Baghmara-ona aro Dhaka-ona rel ramarangko tarianggenchimode ian bading chiwalani mongsonggipa rama gita ong•gen ineba Sangma aganaha.
Jolo namroro silroroaniko man•na gitade rama jal•langrangko nangchongmota ine janapatengon, ramarang namani giminsa America-ba man•e cha•gipa a•song ong•enga ine Sangma aganaha.
Niam gri napsrukanirangko name nirokna man•na gita check point-rangko songna nangani giminba Education Minister janapatskaaha.
Na·simang ia video-koba nina man·gen:
Na·simang iakoba poraina man·gen: Jhumoir Binandini-ko ong•atani a•sel chatrirang porikkako name sena man•ja ine matnanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
