Shillong, Dec 2: Sukrobar salo, Meghalaya a•dokni Chief Minister Conrad K Sangma, Sports Scholarship Scheme-ko a•bachengate on•angenba, gnigipa North East Olympic Games-ko ong•atanio medal-rangko chegiparangna aro uamangni skigiparangna dingtangmancha Shillong songjinmani U Soso Tham Auditorium-o mande ra•pilskaaniko dakangjolaha.
We hope that this financial assistance will go a long way in encouraging athletes to excel in their fields and future sportspersons to take up sports.
— Conrad Sangma (@SangmaConrad) December 2, 2022
Happy that various competitions held in the State like the Meghalaya Games and the recent @neolygames is giving our athletes the platform to compete with each other & with athletes from other States. These competitions will spark their competitiveness & encourage them further. pic.twitter.com/lDX17sXFu7
— Conrad Sangma (@SangmaConrad) December 2, 2022
Ia program-ko ong•atanio gimik sak 188 kal•susagiparangna aro sak 54 official-rangna Chief Minister-ni jakchi mande ra•pilskaaniko dakangaha.
Ia tom•anio Chief Minister-ni parakatani gitade, ia salni bako a•bachengatgipa scholarship scheme-ara, dingtang dingtang kal•susaanio chegiparangna dakchakanirangko on•na gita jaanti on•na sienggipa scholarship ong•a aro ian kal•susaanio gisik nanggiparangko nambate dakchina didina a•bachengatenggipa scholarship scheme ong•a.
“Joltangni kal•susaanirango ba a•songni gita ong•atenggipa kal•susaanirango chegiparangna ia scholarship-ko jaantian, uamangni account-rango chipatgen,” ine Sangma aganaha.
Ia Sports Scholarship Scheme-ko ia kal•susaanionin a•bachengatahani gimin ia salni bako je manderangnan mande ra•pilskaaniko dakengachim, uamang pilakan ia scholarship-ko man•gen ineba Chief Minister parakataha.
Adita salrangna skang gnigipa changna ong•atanggipa North East Olympic Games 2022-o Meghalaya a•dokba gimik ge 149 medal-rangko chee brigipa biapko man•rikahachim. Ia kal•susaanio Meghalaya, ge 36 gold, ge 35 silver aro ge 78 bronze medal-rangko man•ahachim.
