Shillong, Sep 17: Je chatro chatrirangan, a•dok sorkarini quota gita MBBS-ko dingtang dingtang biaprango poraiengachim, poraia matchotahaon Meghalaya a•dokona re•bapile kam ka•na nanga ine Mongolbar salo, a•dokni Health Minister Ampareen Lyngdoh aganaha.
Iani bidingo kobor ra•timgipa manderangna talate on•angengon, a•doko specialist doctor-rang chu•ongjaengani gimin sorkarini quota gita MBBS-ko poraienggipa chatro chatrirang, sorkari baksa songgigrikaniko chu•sokatna nanga ine Health Minister aganaha.
Mitam medical graduate-rang, poraia matchotani ja•man a•doktangona re•bapilrongjaenga ine an•tangni suk ong•gijaniko parakatengon, je chatro chatrirangan a•dok sorkarini quotao MBBS-ko poraie a•doktangona re•bapilna gisik nangjaengachim, uandakgipa chatro chatrirangni kosako sorkari nanga gita ja•kurangko de•gen ine Lyngdoh, mikrakataniko on•angaha.
A•doko doctor-rangni chu•ongjaenganiko namatna gita ia bilsini July 9 tarikosan a•dok sorkari, bond policy-ko nipiltaina tik ka•angahachim.
A•dokni quota gita gipin biaprangona re•ange medical-ko poraienggipa chatro chatrirang, a•doktangona re•bapile dangdike on•na man•na gita Health department, Law department baksa bond policy-ko taripilna kam ka•enga ineba Health Minister parakataha.
Meghalaya a•doko doctoral studies-ni skanggipa batch-ko 2025 bilsion a•bachengatgnok ineba Lyngdoh parakataha.
Na·simang ia video-koba nina man·gen:
Na·simang iakoba poraina man·gen: Vishwakarma Puja-ko Garo Hills-o manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
