Guwahati, June 20: Assam Police-ni Special Task Force (STF), Sidli police-ni dakchakanichi, a·songgipinona buringni matburingrangko niamgri badingsrukatgipa dolrangko rim·an baksana gimana sienggipa mang 8 sonani rongni ranggolrangko naljokataha. Bangladeshi saksa, West Bengal-oni sak 5 aro Assam-oni sak 3 manderangko man·chape chu·gimik sak 9 badingsrukgipa manderangko iano rim·aha.
Ka·dongna man·gipa koborrangko man·soenba, official-rang walni somoio Sidli-o donggipa National Highway-27-oniko am·sandianiko dakatenba, matburingrangko salangna jakkalgipa Mahindra Scorpio bolsa aro Tata Nano bolsa-ko rim·aha, jeonikon uamang tangkuenggipa sonani rongni mang 8 ranggolrang baksana mangsa sigimin ranggolkoba man·aha.
Am·sandigipa dolrangni bebe ra·ani gitade, ia matburingrangara Chirang a·jani Chikna Jwhwlao National Park-oniko rim·giparang ong·a, jekon jolo niamgri matburingrangko goe so·otgiparangni dakchakanichi niamgri rim·aha.
Ia naljokata man·gipa ranggolrangko sana bananiko on·a gita forest authority-rangna pakwatatani gisepon, STF official-rang ia badingsrukgipa dolni gipin member-rangko am·na gita am·sandianirangko dakengkua.
Assam a·doko buring bolgrimrang gimaroroangani, buringni a·arangko sekdraani aro buringni matburingrangko niamgri badingsrukani batroroani a·sel neng·nikanirangko man·ani gisepon, India-ni Salgro Salaram jolo buringo donggipa matburingrangni kosako niam pe·anirangko champengatanio aro gimroroangenggipa sonani rongni ranggolrangko naljoke rakkianio ia am·sandianiara dal·begipa chu·sokani ong·aha ine official-rang aganangaha.
Na·simang iakoba nina man·gen:
Na·simang iakoba poraina man·gen: CAU-ni chatro chatrirang klas ning·o skie ra·ana agreba, SGH-ni manderang baksa dongpae uamangni janggi tanganiko skie ra·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
