Imphal, Feb 28: Imphal aro Thoubal-oniko jitata man•gipa sak 55 GNM aro ANM nursing chatrirang, Churachandpur-o internet jakkalaniko Manipur a•dok sorkarini dondikatani a•selo uamangni Supplementary Examination porikkako seanio neng•nikaniko man•enga.
Indake ong•engon, Nursing-ni Joint Director, Lalbieknawi aro Manipur Nursing Council (MNC)-ni authority-rang baksa nangrimenba somoiko nigrikenba jujaatahani gimin, ia nursing chatrirang, Churachandpur GNM School-o Supplementary Examination porikkako sena gita man•engaha.
Ia Supplementary Examination-ko February jani 28 tarikoni March jani 2 tarikona seanggen.
Indake, a•doko internet jakkalaniko February jani 16 tariko sorkarini gita champengatahaon, Lamka Nursing School-ni GNM poraienggiparang, porikkani question paper-rang aro gipin nanggiparangko somoi gita man•sojawaha inenba jajrenganiko man•tokahachim, indake ong•genchimoba, name simsak niroke kam ka•anichi, porikka seani tarikrangko tik ka•manaha inenba chatrirangoni saksa aganaha.
Nursing-ni Joint Director, Lalbieknawi, ia computer-ni chasongo, pilak kamko ka•anio internet-osa pangchakani gimin, internet dongjaon neng•nikaniko man•a ine aganan baksa, internet dongjani a•selo, ia porikkani question paper-rangko porikka seani salsa ba salgni skangan sokatna nangengaha ineba agandapataha.
Ia sak 55 nursing chatrirang, morning shift ba pringni bako examination hall-o uamangni porikkako sena man•gnok aro March jani 4 tariko, uamang practical examination ba porikkarangko seskagen ineba ua aganaha.
Na·simang iakoba poraie nina man·gen: PRIME-Sauramandala Rural Entrepreneurship Fellowship-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
