Ampati, Jul 4: South West Garo Hills a•jao game ge•e man•gipa metric ton (MT) 10 gul murisrangko Bristibar attamo, Zikzak Block-ni ning•o donggipa Kerupara aro Dingampara Integrated Village Cooperative Society (IVCS)-rang, Chapahati Prime Hub-oniko Mumbai songjinmaona watataha.
M-LAMP, Meghalaya Basin Development Authority (MBMA)-ni dakchakanichi Kerupara aro Dingampara IVCS-rang, South West Garo Hills a•jao game ge•e cha•enggipa manderangoniko MT 10 ong•gipa gul murisrangko chimonge, Mumbai songjinmao donggipa Sundardas Rataney Spice Pvt Ltd-ona watataha.
Ian gnigipa changna South West Garo Hills a•jao man•enggipa gul murisrangko Mumbai songjinmaona watatani ong•enga maina iana skang 2023 bilsioba Zikzak block-ni ning•o donggipa Dimiligre IVCS, IVCS membor-rang, game ge•e cha•giparang aro MBMA-ni krenge kamko ka•anichi, ton 11 gul murisrangko Mumbai songjinmaona watatna man•ahachim.
Bristibar salo watatgipa ton 10 gul murisrangoni kg 6600 gul murisrangko kg-prako gong 640 ka•e Kerupara IVCS chimongna man•aha aro kg 3400 gul murisrangko, kg-prako gong 610 ka•e Dingampara IVCS chimongna man•skaaha.
Ia gul murisrangko, South West Garo Hills a•jani Deputy Commissioner Hema Nayak, South West Garo Hills a•jani Am•beng Farmers & Producers Association aro MBMA-ni farmers & marketing executive Bravantyo Marak-ni rakbee kamrangko ka•anichi, Mumbai songjinmaona watatna man•aha.
MBMA-ni DPM Grikseng Ch Marak-ni u•iatani gitade, ia gul murisrangko India a•song gimiko mingsinggipa Everest Masala & Everest Food Products breskagen ine Mumbai songjinmao donggipa Sundardas Ratansey Spice Pvt Ltd-ni Director sakgni, chong•motan Satish Dharamsey Pallicha aro Kalind Satish Pallicha parakataha.
Na·simang ia video-koba nina man·gen:
Na·simang iakoba poraina man·gen: Silchar hospital-o me•asa saksani ‘asolko’ rate gala ine matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
