Ampati, Sep 5: India a·song gimiko September jani 5 tariko skigiparangni salko maniengon, South West Garo Hills-ba ia salko Ampati-ni Multi Facility Centre-o manianiko dakangaha, jeon sak 3 skigiparang chong·motan Secondary level-o Nogorpara Deficit Secondary School-ni Headmaster Albinson Marak, Upper Primary level-o Ampati Deficit UP School-ni Headmaster Carey Vinco Ch Marak aro Lower Primary level-o Majherchar Girls’ Govt. LP School-ni Headmaster Sahanaj Begum, 2025 bilsini District Award-ko man·angaha.
Rangsakona-ni MLA aro KVIB-ni Chairman gitcham, Subir Marak mongsonggipa sokgipa ong·e ia tom·bimonganiona sokbaaha aro skigiparangko bil gnangbatatna nangani gimin aganenba, bang·bata manderangan skigipani kamko bon·kamgipa chol dakesa ra·ronga ineba ua aganangaha. SWGH-ni Deputy Commissioner Hema Nayak, ia tom·anio dal·gipa sokgipa ong·e tom·anio aganprakengon, songadam biaprango bi·sarangna skie poraniko on·anio rake kamrangko ka·anina skigiparangko de·mitelangaha. DSEO Emphul Ch Marak, SDSEO Taposh Ch Marak, Betasing-ni BMC Senora B Sangma, award man·giparang aro poraigipa bi·sarangoni saksaba ia tom·bimonganio jinmana aganprakaniko dakangaha.
Chatro chatrirang ia maniani salko git ring·anichi, chrok mesaachi aro lekka pora skie ra·ani gamchatani aro skigiparangko mande ra·ani bidingo dakmesokanirangko dakanichi an·saobatataha.
Na·simang iakoba nina man·gen:
Na·simang iakoba poraina man·gen: Cement-ni karkanako ra·baani bidingo EJH-o Public Hearing-ko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
