Guwahati, June 9: Assam a•dokni ning·o donggipa Tezpur-ni mingsinggipa GI-tagged ka·ako man•gipa letchuko skanggipa changna Dubai a•songona watatna man•aniara a•dokni Horticulture-ni a•bao International market-o dal•begipa chu•sokaniko ra•baaha.
Tezpur-ni letchu, jekon uni dingtangmancha chi•anina, niksenggipa gitchakmrang rongna, dingtange smilanina aro be•enni so•ome cha•toanina mingsing minggamako man•achim uko Agricultural and Processed Food Products Export Development Authority (APEDA)-ni dakchakanichi sa matric-tone biterangko Dubai-ona watatna man•aha.
Tezpur-ni wilwilao, ia letchurangko ramramari ge•na a•bachengenba jamano ia biterang rasong chaako man•a kragipa Geographical Indication (GI) tag-ko biterangni namanina aro regional identity-ko rakina on•angaha. Ia jolo mongsongbate ge·gipa rokomrangara Bombaya, Bilati, Elaichi, Piyaji aro Sahi ong•a.
Ia letchurangko a•song gipinchina watatna man•aniara Assam a•doko bolam biterangko ge•e game cha•gipa manderangna International market-rango pale sime cha•anio uamangni man•gnirangko baridapatna dakchakani ong•gnok ineba ka•dongsoenga.
Union Commerce and Industry Minister Piyush Goyal ia namdapataniko rimchaksoenba, Tezpur-ni letchu biterangko skanggipa changna Global market-ona watatna man•aniara Salgro Salaram-ni game ge•e man•gipa bosturangko gipin biapchina watatna gitalgipa cholba ong•aha ine janapataha.
“APEDA-ni dakchakanichi Assam a•dokni mingsingbegipa Tezpur-ni Letchu-ko Dubai a•songona watataha. Ia ja·ku de·aniara a•dokni letchu-ko a•gilsak gimiko niksengatgnok, Salgro Salaram a•dokni game ge•e man•gipa bosturangko game cha•giparangnaba namgipa damo palna gital cholba ong·katgnok”, Goyal uni X (twitter)-o see parakataha.
A•songgipinona India-ni GI-tagged ka•ako man•gimin game ge•e man•gipa bosturangko watataniara a•songgipino manderangni dabianirang bariroroenga ine nikna man•a aro Salgro Salaram a•dokba game ge•e man•gimin bosturangko a•palchi watani a•bao on•gilaniko dakpaaniko mesokenga.
Re•baenggipa bilsirango Tezpur-ni letchurangko a•songgipinchina bangbate watatna man•ode nambatgen aro Assam-ni ge•e game cha•giparangko a•songgipinni bregipa manderang baksa nangrimatani mingsa cholba ong•gen ine official-rang parakataha.
Na·simang iakoba nina man·gen:
Na·simang iakoba poraina man·gen: Assam-ni officer, uni pagipa gita Shaurya Chakra-ko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
