Guwahati, June 9: Assam,Kamrup a·jao donggipa Rampur (Sujanpur) songni Major Bhargav Kalita, Jammu aro Kashmir-o bobil dolrangko bon·atna am·sandianiko dakanio ka·dongani aro bilak wa·sagipa dilgipa ong·aniko mesokanina India-ni President Droupadi Murmu-ni jakchi Shaurya Chakra on·ako man·aha.
Major Kalita, Rashtriya Rifles-o dangdike on·mitingo, Pulwama, Awantipora, Budgam aro Srinagar-o bobil dolrangko bon·atna am·sandianiko dakanio mongsonggipa on·gilpaaniko dakangaha. Award-ko on·ani a·selrangko parakatani gitade, ua kenbegnigipa bobil dolni kosako chadrapna manchianiko dilangan baksana mikkangchakgrike dakgrikani somoio ka·donganiko mesokangaha.
Ia chu·sokaniko man·aniara, kamoni neng·takgimin Major General aro uni pagipa Bhaskar Kalita-ko mikkangona ra·bana dakchakaha. Uni pagipa bilsi 40 ong·na am·pile Indian Army-ni kamko ka·angan baksana Assam Public Service Commission (APSC)-ni member-ba ong·angaha.
Assam a·dok gimiko ia award-ko man·anina rasongko on·engon, Major Bhargav Kalita-ni ia chu·sokaniko bang·a manderangan a·dokna rasong chabeani ong·a ine aganaha.
Na·simang iakoba nina man·gen:
Na·simang iakoba poraina man·gen: PM eBus Sewa Scheme-ni ning·o electric bus bol 5-ko CM a·bachengate on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
