Tura, July 14: Sombar salo, District Football Association (DFA), Tura Football League (TFL)-ni skanggipa Division-ko Tura-ni Chandmari Artificial Football Turf-o a·bachengataha. Ia league-ko a·bachengatani salo, A. Balmikka GSC aro Greenwood dol uamangni skanggipa cheaniko man·aha.
Skanggipa kal·susaanio, A. Balmikka GSC dol 4-3 scrore-rangchi Doreng Sporting-ko amataha. Doreng Sporting dolni, Tangbo Sangma minute 25-o skanggipa goal-ko chipchengaha, indake minute 25 ong·on, A Balmikka dolni Tengrik R Marak goal-1-ko chipenba score-rangko apsangrik ong·ataha. Uni jaman, minute 28 ong·o Deborah M Sangma aro minute 32 ong·o Challiang M Sangma goal prak chipenba doltangko batatna dakchakaha.
Neng·takanina somoi on·a jaman, minute 54-o A. Balmikka dolni Challiang M Sangma, goal-ko chiptaienba score-rangko 4-1 ong·ataha. Doreng Sporting dolni Sengkim Momin 60 aro 70 minute-rango doltangna goal-2-ko chipe on·genchimoba, uamang sokdona gita man·jaha. Sengkim Momin, minute 35 ong·o niam gita kal·gijanina yellow card on·ako man·aha.
2-gipa kal·susaanio, Greenwood nengrabee Northern United-ko 4-1-chi amataha. Greenwood dolni, Grapseng D Marak, 7-gipa minute-o skanggipa goal-ko chipchengaha. Iani gisepon, Northern United dolni Arieo Chingchak M Sangma, minute 37-o goal-1-ko chipenba score-rangko 1-1 ong·atna dakchakaha. Indake ong·engon, neng·takani somoi ong·na skang mangmang Greenwood dolni, Chekam Tangrik B Marak, minute 41 ong·o goal-1-ko chipenba doltangko batatna dakchakaha. Neng·takani jaman, Chekam Tangrik B Marak, 66 minute-o goal-ko chipe on·taian baksana Donebi S Sangma-ba minute 71-o goal-1-ko doltangna chipe on·aha. Northern United, goal chipna cholrangko man·genchimoba chu·sokaniko man·jaha.
Ia league-ko ong·atanio chu·gimik dol 10-rang bak ra·enga aro uamangko dolgni dake bak dakataha. Araimile aro Rongbakgre SCC dolni kal·susaaniko July jani 15 tariko attamni 2 bajio a·bachengatgen, indake 2-gipa kal·susaaniko attamni 3 bajio ong·atangskagen, jeon Sampalgre YC aro Danakgre YC susagrikanirangko dakanggen. Ia kal·susaanirangko apsan biapon ong·atanggen.
Na·simang iakoba poraina man·gen:
Na·simang iakoba poraina man·gen: Meghalaya-ni Pnar jatrang Behdeiñkhlam-ko manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
