Tura, Feb 9: A·dokni skotong minister Conrad K Sangma, Tikrikillao kuligipa MeghFarm Processing Hub aro Tikrikilla PRIME Hub-ko Sonibar salo nokdonggae oprake on·aha. Uarangko oprake on·anio a·dokni power minister AT Mondal, MP Agatha K Sangma aro MLArangni gisepo Limison Sangma, Ian Botham K Sangma aro Arbinstone Marak dongpaaha.
Ia projectko chu·sokatna gita kror 14.5 tangka koros ong·aha.
Game ge·e man·gimin bosturangko ripinge donani dongjae, uarang namjahaode galna nangaiani gimin Garo Hills-o game ge·e cha·giparangna namen gimaaniko ong·atenga ine Chief Minister aganaha. Kulidaldal MeghFarm Processing Unit-o game ge·e man·gipa bolam bolte aro me·su samjakrangko ton 100mang soatgija tarie donna man·gen. Uni gimin, ian game ge·e cha·giparangna dakchakbeani ong·gnok ine ua aganaha.
Tikrikillani MeghFarm Processing Hub-o chasong gitalni technologyko jakkalani gimin uan cha·ani bosturangko name tarie ripingna man·gipa ong·gen. Uano bitchi jetani, samjakrangko gran tariani aro uandakgiparang namgipa gadangni ong·toka.
Tikrikillao kuligipa PRIME Hub ua jolni chadamberangna, biltango janggi tangna tikkelgiparangna aro game cha·giparangna bang·a dakchakanirangko on·na man·gnok. Biltang jaktango pangchake janggi tangani cholko dakgiparangna PRIME Hubni gita bang·a dakchakaniko on·na man·a, aro uko jakkalen biltango pangchake janggi tangani cholko dakgiparangna sorkari dakchakna man·batgnok ine Chief Minister aganaha.
Game ge·e man·gipa bolam bolte aro me·su samjakrangko galna nangjana gita songadam nokadamrangoba cold storage aro processing hub-rangko kulina miksonganiko Chief Minister aganaha. Garo Hillso man·gipa anaros, te·brong aro komila dingtangmancha namgipa aro cha·togipa ong·toka, aro uarangko name tarie a·palchina palatna man·ode uarangni dam bang·en donggen ineba ua agandapaha.
Iakoba poraie nina man·gen: PRIME MeghaPreneur Expo-ko Shillong-o ong•ata
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
