Shillong, Feb 10: Sukrobar salo, Meghalaya a•dokni Skotong Minister Conrad K Sangma, a•doko an•tangni changa sapa gita badingchiwale ba dake rike cha•aniko tang•doatna gita sak 20,000-na batpile entrepreneur-rangna, CM-Elevate-ni ning•o tangka paisani gita dakchakaniko on•a mangsongenga ine, PRIME MeghaPreneur Expo-ko Shillong-o ong•atanio jinmana aganangaha.
Indake sorkarini dakgni kamrang mongsongbate, songsalko tariani, sorkarini chanchianirangko sakki on•ani, rika cho•ani kamrango didigipa ong•ani aro changa sapaniko jakkale dake rike cha•anio ba bading chiwalanio namroro silroroatna kam ka•e on•gipa ong•a. A•doko mongsongbate badingchiwale ba an•tangni changa sapaniko jakkale dake rike cha•aniko tang•doatna krengbatenga ineba ua janapataha.
CM-Elevate-ni ning•o seoka man•gipa skanggipa batch-ni chadambe entrepreneur-rangna aro songni organization-rangna cheque-rangko on•an baksa, chadambe sakantian a•dokni ning•o on•enggipa cholrangko, kang•kare kae ra•na nanga maina na•simangan a•dokni chadamberangna dakmesokgiparang ong•a inenba Skotong Minister aganangaha.
Una agreba, ia scheme-ni ning•o je dakgipa dake rike cha•ani kamrangkoba janapna gita man•gen aro 75 percent mangni gita ia scheme-ni ning•o sorkari dakchakaniko on•gen aro ia scheme-na dingtangmancha gong crore 300-ko sorkari chamna tik ka•engaha. Indake Chadamberang bang•batan sorkarini kamo pangchakaigija, private sector-rangoba kamrangko sandiengaha aro ia miksonganirangko apalbatatgenchimosa private sector-ni ning•o kamrangko nakatatna man•gen ineba ua agandapataha.
Indake, CM-Elevate-ni ning•o, dingtang dingtang kamrangna jakkalna man•gipa swimming pool aro gym, Futsal kal•aniko kal•chakram biap aro basketball court-ko tarina gita, sak 40 mangni beneficiary-rangna tangka paisachi dakchakaniko on•ataha.
Una agreba, Meghalaya Agriculture Warehouse Scheme, Meghalaya Community Facility Centre Scheme, Prime Agriculture Response Vehicle, Meghalaya Tourism Vehicle Scheme aro Meghalaya Motorcaravan Scheme-ni ning•oba tangka paisachi dakchakaniko on•angaha.
Iakoba poraie nina man·gen: Mithun Chakraborty, uni gital film Shastri-na shooting ka•engmitingo rang•gitik ka•tongni saaniko man•a
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
