Shillong, April 30: Shillong songjinmao, jimna drae til•ekanio matnangako man•giparangoni saksa me•asa, til•eka man•gipa me•chik uko drae til•ekdraaha, ine April 29 tariko Rynjah police station-o FIR-ko segataha. Ia obosta ong•ni somoio ua bilsi 17-san ong•engkuachim.
Ia FIR-ko POCSO Act aro IPC-ni ning•o segataha, aro adita sandirikite nianirang matchotna siengaha, ine East Khasi Hills-ni SP Rituraj Ravi u•iataha.
Ia ong•a obosta 2023 bilsini September 23 tariko ong•angahachim indake ia jinma drae til•ekani video giproroani jamansa, til•eka man•gipa me•chik FIR-ko segataha. Indake police dolrang ia jimna drae til•ekanio jak dongpagipa sakbri manderangko rim•aha.
Uni FIR-o segatani gitade, uamangni para donggipa noko ia obosta ong•o ua bilsi 17-san ong•kumitingchim aro skul poraimitingsachim ine a•kange aganaha. Ia me•chikko uamang u•iachim, indake ia me•chik an•tangni game kalanina aro gitrangna YouTube video tarina am•engachim, aro pangnan ia me•chik an•tangni video-rangko skul-ni ripengrangnaba me•sokna aganrongachim. Maniani salrangoba ua nokonaba re•barongachim.
Uni aganani gitade, 2023 bilsini September 23 tariko ia me•chikko nikenba jagokaha, jeon ia me•chik ia me•asako drae kalakna a•bachengaha.
“Ua somoio anga iani gimin namen kratchaa, ka•o nanga baksana anga aiao inmanpile kenjagokaha. Iani gisepon, anga unomiting klass 10-o poraimitingsan ong•engkuachim uni gimin anga ka•chaa man•a kenenba aro skulrangoni rikgala cha•na kenenba ba angni ma•a pa, angni poraianiko dontongatjokode ingipao anga angni skigipa, dalbatgipa aro ma•a panaba aganjahachim. Indiba, banggija salrangna skang anga knana gita man•aha, ia me•chik jean angni klass 10-o poraimiting somoio angko drae kalakna jotton ka•ahachim, uan da•ode an•tangkosa dos gri dake FIR segatskaaha. Anga iani gimin rangsan FIR-ko segataha, maina angko ia me•chik ka•mikkenataha, aro anga angni ma•a pa aro skul-ni skigipana ia ong•a obostako u•iatna sikchongmotjachim, maina iani gimin kattarang ong•katahaode angni aro angni nokdangni rasongko siatgnokchim. Indake ong•engon, CrPC-ni Section 438-ni niamo pangchake anga court-na dorgasto-ko seaha, indake interim order-koba angna chakpaanion on•aha. Unigimin, anga nangchongmota ja•ku de•anirangko dakenba niamni gita uko rim•enba sasti on•china mol•mola,” ine matnangako man•gipa me•asa FIR-o janapaha.
Na·simang ia video-koba nina man·gen:
Na·simang iakoba poraina man·gen: Selsella SA 7-0 goal-rangko man•e Druma Sandruma-ni kosako chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
