Shillong, August 2: Umroi Constituency-ni aro All India Trinamool Congress Dol-ni MLA Pa George B Lyngdoh, Khasi aro Garo Ku·sikko Eight Schedule-o napatani a·doko songdonggipa pilak manderangnin nangnikenggipa ong·enga ine nike TMC dol India sorkariko uako be·en pilatchina didianiko dakangaha ine August 2 tariko parakataha.
Ian gitalgipa dabiani ong·jaenga, re·anggipa 2005 bilsio-nin a·doko songdonggipa Khasi aro Garo ku·sikchi serak jotrakgiparang, sea jotani a·bako a·palatna krengan baksa Eight Schedule-o napatchina dabiengachim indiba da·alona iako bimang pilatna man·kujaenganina indaken jrim dongaiode democracy-ni miksongani be·en pil·jawa ine nike TMC dol ma·mong sorkariko so·dona nangenga aro unbaksa TMC-ni MP Sudip Bandopadhyay-ba Garo aro Khasi ku·sik-ko eight schedule-o napatchina Parliament-o August 2 tariko Ma·mong sorkariko mol·molpaapaha ine Pa Lyngdoh aganaha.
