Shillong, Jan 29: Re•anggipa bilsio, South Garo Hills a•jani Tolegre songo, Core Geo Expedition dolni sandie man•gipa gitcham matburingni ro•ong pil•gimin adita bakrangko nikani ja•man, ia bimangrangko adita salrangna skang ma•sina man•gijagipa manderangni cho•prue ra•ahani gimin a•dokni Cabinet Minister aro Rongara-Siju-ni MLA Rakkam A Sangma, suk ong•gijaniko parakataha.
Re•anggipa bilsio, Core Geo Expedition dolni manderang, jasa batpile South Garo Hills a•jani Tolegre jolrangko wenani ja•man, ru•utbea bilsirangoni ro•ong pil•gimin gitcham matburingrangni adita bakrangko, Tolegre song sambao donggipa Gongdap songoniko nikchengahachim.
Core Geo Expedition dolni nikani ja•man, Geological Survey of India (GSI) dolni manderangba ia biapona re•bae, ia bimangrangni bidingo tale ma•sie ra•na gita ia biaponiko adita chinrangko porikka ra•e nina ra•angaha.
Ia gitcham matburingrangni ro•ong pil•gimin bimangrangko nikani ja•man, ia biapko chel•chake rakkina songni manderang aro district administration-ba ia biapona skatang napaniko raken champengatahachim indiba adita salrangna, ma•sina man•gijagipa manderang, ia biapona re•angenba, ro•ong pil•gimin bimangrangko cho•enba ra•e katangaha.
Iani bidingo an•tangni suk ong•gijaniko parakatengon, songni manderang Siju police station-o FIR ka•aha aro police-rang, cha•ugipa manderangko sandina a•bachengengaha ine Cabinet Minister Rakkam Sangma parakataha.
Ia gam-jinara South Garo Hills a•jamangmangnisan ong•ja indiba Meghalaya aro a•song gimiknian ong•a ine janapatengon, dos dakgipa manderangko police-rang rim•e nanga gita sastirangko on•gen ine Sangma ku•rachakaniko on•angaha.
Tolegre songara uni constituency-ni ning•o ga•akgipa songan ong•a ine talataniko on•angengon, ia biapo sorkari, museum-ko rikna miksongengachim aro ua an•tangan jolni MLA ong•e, ia museum-ko be•en pil•atna krengdilengachim ine Sangma aganaha.
A•dokni gamchatbegipa gamrangko chel•chakanio olgrokengani gimin janapatskaengon, ia ro•ong pil•gimin matburingni bimangara buring ning•osa ong•ani gimin songni manderang an•tangtangan iako kadulenba chel•chakengachim indiba cha•ugiparang, buring gita napangesa iako cha•uangahakon ine Sangma aganaha.
Na·simang ia video-koba nina man·gen:
Na·simang iakoba poraina man·gen: Salgro salaram jolo bobil dolrangko bikottaina jotton ka•enga ine Assam CM a•kanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
