Shillong, Jan 8: Sorkarini gita champengako man•gipa Hynniewtrep National Liberation Council (HNLC) bobil dol baksa, tom•tomaniko ra•bana agangolpogrikaniko dakangkuchina ine Cabinet Minister aro National People’s Party (NPP)-ni dilgipa, Dr. M Ampareen Lyndoh, Sombar salo, sorkariko ku•patian baksa didiataha.

Kobor ra•timgiparang baksa agangrikengon, ka•o nangrike ra•chakna man•gijani aro ma•sisretgrikanirang donggenchimoba, ia tom•bimonganiko dondikatjachina ine Dr. Ampareen aganan baksa, Home Minister aro Deputy Chief Minister ia somoio be•en an•sengjaengani gimin ia kamo bakrimna gita man•jawaha ineba u•iatangjolaha.

Indake, sorkarini champengako man•gipa bobil dol baksa mikkangchi tom•tomanina golpogrikaniko dakna inenba party-ni aro sorkarini gita on•kange kam ka•enga ine ua ku•rachakaniko on•atan baksa, ia bakrogipa golpogrikanio dolgnini gisepo meli nangrimgrikaniko dakna man•ode nambatgenchim ineba ua janapataha.

Indake, ma•mong aro a•dok sorkari baksa, tom•tomanina golpogrikna gita tik ka•giminko HNLC dol ong•kataha ine nikna man•a, indake ong•genchimoba, sorkarini gita uamangni dabianiko chu•sokatgenchimode, ia golpogrikaniko dakangkugen ine u•ina gita man•a.

Iakoba poraie nina man·gen: Rod-rangko salgipa truck a•sel ong•anio sak ma•gipa saksa sia

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub