Shillong, Aug 7: Meghalaya a•dokona re•baenggipa tourist-rangni namgnina aro naljokgnina a•dokni Cabinet, motorcycle aro gari para on•aniko nambate nirokna gita Bristibar salo, niam minggniko ra•chakangaha.
Bristibar salo, Cabinet tom•a matchotani ja•man kobor ra•timgiparangna talataniko on•angengon, a•dokona re•baenggipa tourist-rangni namgnina Cabinet, gari para on•aniko nambate nirokna man•na gita niam minggniko ra•chakangaha aro uan mingsade motorcycle-rangna aro minggipinde garirangna ong•enga ine Chief Minister parakataha.
Ia niamni ning•o tourist-rangna gari aro motorcycle-rangko para on•enggipa manderang aro dolrang, Transport department-o register ka•na nanggen ineba ua talataniko on•angaha.
Da•o dipet gari para on•enggiparangna niamrang dongkujani gimin a•dokona re•baenggipa tourist-rangni naljokgnina a•dok sorkari, ia niamrangko ra•gataha ineba Chief Minister talataniko on•angaha.
Na·simang iakoba nina man·gen:
Na·simang iakoba poraina man·gen: Meghalaya-ni Civil Service porikka-o optional subjectrangko gale a·dokni gimin dingtangmancha subject-ko ra·gata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
