Dibrugarh, Sep 04: Bishal Phukan-ko rim•ani ja•man, Trading FX-ni bimungo ritchani ritcha manderangoniko tangka ra•e cha•bokahanina Ranjit Kakoti-ko Dibrugarh police dol rim•aha.
Ranjit Kakoti da•o police custody-o ong•enga aro Budhbar salni bako uko Dibrugarh-ni kachariona rimbaha.
Assam Dibrugarh-ni Jibon Phukan Nagar-o donggipa Ranjit Kakoti, Assam a•doko Trading FX-ko bikotenba ia company-ni bimungo bang•a manderangchiko cha•boke cha•aha. Ua bang•a manderangna, jegita tangka koros ka•a ua bon•anggipa tangkana duna gittam bate man•pilskagen ine tol•e ka•donganiko on•e ia company-o tangkarangko koros ka•china mong•aha aro kangal cholgri neng•e janggi tangenggipa manderang mang•mangkoba watjaha. Iandake tol•e cha•boke man•gipa tangkarangchi gong crore-ni damgni nokrangkoba ua rikaha aro iandakgipa mande songsalo dongrimna kraja. Ia mandeni kosako Assam Police raka ja•kuko aro sastiko on•a nanga aro cha•boka man•gipa manderangni tangkarangko gong•sa komigija on•pilna nanga aro uamangna kakket bichalko ka•e on•a nanga ine Singer Bituraj Chetia, uni Facebook account-oni seataha.
Koborko man•soani gita, ia Trading FX company-o koros ka•genchimode, an•tangni koros ka•gipa tangkana bate duna gittam tangkarangko ja 6-ni gisepon man•pilskagen ine togiahachim, aro iana ka•dongen bang•a manderang ia company-o gong lakh-ni lakh tangkarangko koros ka•tokaha ine u•ina man•aha.
Indake, Bishal Phukan da•o Dibrugarh Police-rangni custody-o ong•enga aro uko police-rang sing•dandianirangko dakenga. Ia sing•sandianiko dakani gisepon, film kal•gipa actress Sumi Borah-ba ia online Investment scam ba cha•boke cha•anio bak dongpaa ine u•ina man•aha aro ua da•o dipet police-rangoni kate dongenga.
Ia rim•a man•gipa manderangni kosako Banning of Unregulated Deposit Scheme Act, 2019-ni ning•o dingtang dingtang section-rango pangchake case no. 352/24-o mokordomako segataha.
Iandake online gita tangkarangko cha•boke cha•enggipa manderangko Dibrugarh Police am•sina a•bachengataha aro da•o dipet bang•akon rim•a man•engaha.
Na·simang ia video-koba nina man·gen:
Na·simang iakoba poraina man·gen: Garo Hills-o coffee game cha•giparangna laprangko suale on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
