Agartala, May 13: Tripura a•dokni Deputy Chief Minister Jishnu Dev Varma-ni depante, chu pekenba, Tripura a•dokona re•anggipa Housing & Urban Affairs-ni Parliamentary Standing Committee membor-rangni kosako kragija dakahaoba police-rang, maming ja•kurangko de•jaenga ine matnangtokaha.
Ia Parliamentary Standing Committee-ko Bharatiya Janata Party (BJP)-ni Lok Sabha membor aro Uttar Pradesh a•dokni gitcham chief minister Jagdambika Pal dilangahachim.
Koborko on•ani gitade, Budbar walo, Tripura Deputy Chief Minister-ni depante, chu pekenba, ia parliamentary membor-rangni kosako hotel damsao kragija dake mesokahachim aro iani bidingo manderang, social media-rango jegalanirangko daktokahachim.
Ia minister-ni depante, songjinmani rikamo pangnan kragija kamrangko ka•ronga aro churangko ringe, dosgri manderangko dokronga ine songbadrangoba seahachim.
Indake ong•engon, Tripura a•dokni Deputy Chief Minister Jishnu Dev Varma-ni depante, chu pekenba, parliamentary committee-ni membor-rangko kragija dakaha ine Opposition Trinamool Congress Tripura state in-charge Rajib Banerjee aro state president Subal Bhowmik-ba matnangataha.
