24.6 C
Tura
spot_img

Tripura-o bilsiantian sak 1500 mangni gita HIV aro AIDS sabisiko man•enga

Must read

Agartala, July 11: Tripura a•doko bilsiantian sak 1500 mangni gita HIV aro AIDS sabisiko man•giparang gnang.

“Skanggipa changna 1996 bilsio ia sabisiko man•chenggipa ong•aha aro uni ja•mano, Tripura State AIDS Control Society-ni gita HIV/AIDS control program-rangko ong•atrongbaenga. Chinga bang•a manderangna indin sannaniko on•enga, awareness campaign-rangko ong•atenga aro sabisiko man•a kenchaksoe indin porikka ra•e nianirangkoba dakenga aro porikka ra•e niani aro counseling on•ani dam 154 center-rangba chingo gnang” ine Tripura State AIDS Control Society-ni director, Dr. Samarpita Dutta aganaha.

Advertisement

HIV aro AIDS sabisiko chadambe aro chatro chatrirang man•batenga mongsongbate drugs biji su•gipa chadambe aro chatro chatrirangan man•rongbatengachim.

2007 bilsini April jaoni 2024 bilsini May jani report-rango Tripura-ni dam 220 skulrangoni aro dam 24 Higher Secondary Institution-rangoni sak 828 chatro chatrirang HIV/AIDS sabisiko man•giparang dongaha jeonin sak 47 mangni gita siaha ine u•ina man•aha.

TSACS-ni report-oniko, 16-30 bilsirangni gisepo 87 % mangni gita Injecting Drug Users (IDUs)-o register ka•gimin ong•a, jeon, 21-25 bilsirangni gisepon drugs biji su•giparang bang•batgipa ong•a ine u•ina man•aha.

Ianoni bilsi 15-na komigiparangoni sak 12-de drugs biji su•giparang  aro 22% mangni gitade bilsi 16-20 mangni gisepo, biji su•na jakkalgipa drugs ba pekatgipa bosturangko jakkalgiparang ong•achim.

Na·simang ia video-koba nina man·gen:

Na·simang iakoba poraina man·gen: Assam-o chi ban re•anio sigiparang sak 84 gapaha

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.co

m/@NortheastMediaHub2020

Instagram- https://www.instagram.com/ne_media_hub

spot_img

More articles

spot_img
-->

Latest article