Agartala, April 30: Tripura a·doko mande saksa, jikgipani skoko sotani ja·man uni be·enko baditaba bak dake den·tongenba Aralia-o donggipa a·palo galeaha.

Ia den·tongtonggimin manggisiko police-rang, Sukrobar salo, East Agartala police station-ni ning·o donggipa a·paloniko man·aha.

Koborko on·ani gitade, Sukrobar salonin bilsi 25 ong·gipa Kayer Miah aro uni bilsi 15 ong·gipa jik Tanuja Begum, nokoni gimaengachim.

Uni ja·man, Tanuja Begum-ni ma·drangrang, uamangni nokona re·baon, noko an·chirara dakako nikeaha aro bakan iani bidingo police-rangna kobor on·eaha.

Koborko man·soani ja·man police-rang, forensic dol aro dog squad-ko rime, gimaenggipa me·chikko sandina a·bachengaha aro ja·mano galchipgimin paikana damsaoniko an·chi nanggipa ba·rarangko man·aha.

An·chi nanggipa ba·rarangko man·ani ja·man police-rang, ia me·chikni segipa Kayer Miah-ko chanchichipenba sing·sandina a·bachengaha aro ru·ute sing·sandiani ja·man ua an·tangni jikgipako so·ote uni nok sambao donggipa a·palo galaha ine ku·rachakaha.

Iakoba poraie nina man·gen: Tura ICFAI University-ni changbrigipa Convocation-o CM bakko ra·anga