Tura, April 30: Sonibar salo, Tura-o donggipa ICFAI University-ni changbrigipa Convocation Ceremony-ko ong·atanio, Meghalaya a·dokni Chief Minister Conrad K Sangma-ba bakko ra·e, chatro chatrirangna chu·sokgipa ong·ani gunrangko agan-talate on·angaha.
ICFAI University-ni graduate aro post graduate ong·anggipa chatro chatrirangna aganprakangengon, poraiamangmangchide janggi tanganio chu·sokgipa ong·na man·jawa ine pangnan an·tangtango u·ianirangko bariatna gita tikkelgiparang ong·china Chief Minister didiangaha.
An·tangni janggi tanganio chu·sokgipa ong·ani gimin chatro chatrirangna toe aganangengon, uni janggi tanganio ua bang·en chu·sokgijanirangko chagrongahaoba, uo pangnan tikkelani aro pilak kamrangon altuae watgalna sikgijani gisik donganian uko bilakbatataha ine Chief Minister parakataha.
Kamtango chu·sokgipa ong·na tikkelanio pangnan Nokgipa Isolo bi·na nangani aro mittelna nangani giminba Chief Minister janapangaha.
University-oni graduate ong·anggipa chatro chatrirangna an·tangni namgipa skaniko on·angengon, mikkangchi uamangan Meghalaya a·dokna aro a·songna dangdike on·giparang ong·gen ine Chief Minister, an·tangni ka·dongchakenganiko parakataha.
Ia Convocation Ceremony-ko ong·atanio graduate ong·anggipa sak 544 chatro chatrirangna, ICFAI University-ni Chancellor Lt Gen Dr Arvinder Singh Lamba aro Vice Chancellor Dr Alicia Gatpoh-ni jakchi degree-rangko on·angaha.
Iakoba poraie nina man·gen: CM-ni programna tarisogipa biapko wa·al so·chipanio, Churachandpur-o section 144-ko ra·gata baksana Internet-ko dontongata
