Shillong, April 30: Shillong songjinmani Satsang Bihar, Robibar salo, Shillong-ni Polo Second Ground-o Satsang Vihar-ko ong·atangaha.
Ia tom·bimonganiko, Parama Premamaya Sri Sri Thakur Anukulchandra-ni chang 135-gipa atchiani salko gisik ra·e maniani gita ong·ataha, jeon Meghalaya a·dokoni Satsang Bihar-na agreba, salgro-salaram a·dokrangoni Satsang Bihar-ko ja·rikpagipa sak hajal 35 manderangba re·bae ia manianio bakko ra·angtokpaaha.
A·dokni skotongo Satsang Vihar-ko manianggipao, medical camp-koba indin ong·atjolaha aro hajal manderang an·tangtango saa donganirangko indin porikka ka·e niangtoka baksana ia medical camp-o samrangkoba uamangna indin suale on·angjolaha. Iana agreba, prasad aro rokom-rokom dakgipa cha·anirangkoba sakanti bak ra·giparangna suale on·jolaha.
Ia tom·bimonganio, dingtang dingtang jatni bewalo chrokanirang aro minggipin cultural program-koba ong·atjolaha jeon, salgro-salaram a·dokrangoni sokbagiparang jat tangtangni chrok-mesaanirangko manderang chroke mesokangaha.
