Mankachar, June 13: Assam Police chanchichipgipa heroin gram 19 baksana pekatgipa bosturangko bandinggipa ine mat·nangako man·gipa mandeko, South Salmara-Mankachar district-oniko waljatchio anti-narcotics am·sandimiting somoio rim·aha.
Police-rangni aganani gitade June-ni 12 tarik walo Mankachar Police Station-ni ningo donggipa No. 2 Pubergaon songo pekatgipa bosturangko jakkalenga aro palaba palenga ine sriksrik nichokigipa doloniko koborko man·aha ine janapataha.
Koborko man·ani bakan Sub-Inspectors Rustom Ali Ahmed aro Manmohan Chandra Roy, Najmul Islam-ni nokoniko am·sandina re·angaha.
Indake ong·genchimoba dos dakgipa ine chanchichipenggipa Najmul Islam police dolrangni a·damona sokangna skangan kate chaksoaha.
Sandi rikitaniko dakengmiting somoio No. 2 Pubergaon songni Rakibul Islam (33), ong·gipako a·damoniko rim·na man·aha.
Uamangni a·damoniko sandirikitaniko dakengon ge 17 plastic tema jeon gram 19 mang jregipa heroin ine chanchichipgipa baksana babilsioniko jreaniko togipa bostukoba man·aha.
Chanchichipgipa pekatgipa bosturangko nanggipa niamrangko jarike aditasak sakirangni mikkangon seized ka·aha, ineba police-rang janapataha.
Rim·a man·gipa mande baksa seized ka·gimin pekatgipa bosturangko Mankachar Police Station-ona ra·angaha aro Narcotic Drugs and Psychotropic Substances (NDPS) Act.-o pangchake legal action-ko ra·angkuna am·sandianirangko dakangkugen.
Police-rang kate chakeng·gipa mandeko sandianiko dakeng·a aro ua joloniko pekatgipa bosturangko bandinggipa dolrangko bang·bate rim·a man·aba donga ine am·sandianiko dakeng·a.
Na·simang iakoba nina man·gen:
Na·simang iakoba poraina man·gen: Boko–Chhaygaon-o tangka gong kror 3.3 Road Project-ko opraka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
